پەرلەمانتارێک: ڕاكان جبوری نووسراوه‌ فه‌رمییه‌كان بە بەرواری کۆن واژۆ دەکات

ئاڤا نیوز

بە گوتەی پەرلەمانتارێكی كورد، ڕاکان جبوری پارێزگاری بە وەکالەتی کەرکووک، تا ئێستاش واژۆ له‌سه‌ر نووسراوه‌ فەرمییەکان ده‌كات و بەرواری كۆنیان لێدەدات.

 

وێنە گەورەکە: ڕۆژی پێنجەممەی ڕابردوو، ڕاکان جبووری پارێزگاری بە وەکالەتی کەرکووک سوێندی یاسیی خوارد و وەک ئەندامی ئەنجومەنی پارێزگای کەرکووک دەستبەكاربوو.

زانیاریی بەدەستهاتوو:  بەپێی نووسراوێک کە دەست ئاڤا نیوز کەوتووە:  دیلان غەفور پەرلەمانتاری كورد لە پەرلەمانی عێراق، یاداشتێکی ناڕەزایی پێشکەش بە ده‌سته‌ی باڵای هەماهەنگی نێوان پارێزگاکان كردووه‌، داوای لێكوڵینه‌وه‌ی له‌گه‌ڵ ڕاکان جبووری پارێزگاری بە وەکالەتی کەرکووک كردووه‌.

هۆکارە زانراوەکان:  له‌یاداشتنامه‌كه‌دا هاتووه‌ ڕاكان جبوری تائێستا واژۆ له‌سه‌ر نووسراوه‌ فەرمییەکان دەکات به‌ بەرواری کۆن، ئەمەش به‌ پێشێلکاری  یاسایی هه‌ژمارده‌كرێت.