لە بەغدا  خۆپیشاندان بۆ مووچە ده‌ستیپێكرد

ئاڤا نیوز

لە بەردەم ناوچەی سەوز لە بەغدای پایته‌خت، سەدان فەرمانبەری وەزارەت و ده‌زگا حكومیه‌كان كۆبوونەوەو و داوای گۆڕانكاری له‌ موچه‌كانیان ده‌كه‌ن .  

وێنە گەورەكە: فه‌رمانبه‌ران داوای هاوتاكردنی موچه‌كانیان  له‌گه‌ڵ فه‌رمانبه‌رانی ئەنجوومەنی وەزیران و پەرلەمان و سەرۆکایەتی كۆمار ده‌كه‌ن.

ئەوەی پێویستە بیزانیت: فه‌رمانبه‌رانی ئەنجوومەنی وەزیران و پەرلەمان و سەرۆکایەتی كۆمار، مانگانە كه‌مترین مووچه‌ی هه‌ر فه‌رمانبه‌رێكیان سێ ملیۆن دیناره‌، له‌كاتێكدا فه‌رمانبه‌رانی وه‌زاره‌ته‌كانی دیكه‌ی عێراق به‌هه‌مان ناونیشان و پله‌ی وه‌زیفی تەنیا 500 هەزار دینار وەردەگرن.

لێدوانی فەرمی: ڕائید مالیکی، پەرلەمانتاری عێراق ڕایگه‌یاند: " ئەنجوومەنی وەزیران بەرپرسه‌ له‌رێكخستنی وهاوتا كردنی مووچەی فەرمانبەران و کرێکارانی کەرتی گشتی، پێویستە ‌حكومه‌ت په‌له‌ بكات له‌داڕشتنی یاسایه‌كی نوێ كە مافی سه‌رجه‌م فه‌رمانبه‌ران بپارێزێت.

ئه‌وه‌ی ئێستا ڕووده‌دات: پۆلیس و هێزەكانی چالاكی مەدەنی عێراقی لە دەوری خۆپیشاندەران كۆبوونەتەوە و ڕیگری له‌ فراوانبوون و چوونەناو ناوچەی سەوز ده‌كه‌ن.