خواردنی فستق دەبێتە هۆی باشتر گەشەکردنی ماسوولکەکان

ئاڤا نیوز  

توێژینەوەیەکی نوێ دەریخستووە، خواردنی فستق دەبێتە هۆی باشتر گەشەکردنی ماسوولکەکان، سوودی بۆ یاریزانانیش زۆرە.

وێنە گەورەکە: ئەگەر بتەوێت ماسوولکە دروستبکەیت، سەرەڕای وەرزشکردن دەبێت خواردنی گونجاو و شیاو بخۆیت، دەتوانیت خۆراکی ڕووەکی بەکاربهێنیت وەک فستق و بادەم و گوێز چەند شتێکی دیکە.

بڵاوکراوەی فەرمی: لە توێژینەوەیەکی نوێدا کە لە ڕۆژنامەی تایمزی ئۆف هیندستان بڵاوکراوەتەوە دەرکەوتووە: خۆراکی ڕووەکی دەتوانێت هەموو ئەو ماددە خۆراکیانەی کە پێویستن بۆ گەشەی ماسولکەکان دابینیان بکات، ئەگەر پێکهاتەی خۆراکی گونجاو هەڵبژێریت.

لە لایەكی دیكەوە: لە توێژینەوەیەکی دیکەدا کە لە گۆڤاری "ئەمریکن جۆرناڵ بۆ خۆراکی کلینیک" بڵاوکراوەتەوە، ئەو پڕۆتین و چەورییەی کە لە فستق، بادەم و گوێزدا هەیە دەبێتە خواردنێکی گونجاو بۆ وەرزشوانان و لەشجوانی.

زانیاریی زیاتر: فستق سەرچاوەیەکی نایابی پرۆتینی ڕووەکی و چەوری تەندروستە، دوو کەوچکی چێشت کەرەی فستق، نزیکەی هەشت گرام پرۆتین دابین دەکات.