هەڵوێستی یەکێتی و گۆڕان لەبارەی مووچە و هەڵبژاردن

ئاڤا نیوز

یەکێتی و گۆڕان جەخت دەکەنەوە لەبارەی مووچە چارەسەرێکی ڕیشەیی لەگەڵ بەغدا بکرێت، چیتریش کات بەفیڕۆ نەدرێت و هەڵبژاردن بکرێت.

چیرۆکی سەرەکی: ئەمڕۆ یەکشەممە لە شاری سلێمانی یەکێتی نیشتیمانی کوردستان و بزووتنەوەی گۆڕان بە ئامادەبوونی مستەفا سەید قادر و قوباد تاڵەبانی لەبارەی چەند پرسێک کۆبوونەوە.

ڕاگەیێنراوی فەرمی: یەکێتی و گۆڕان لەبارەی چوار تەوەر هاوڕابوونە:

- پێویستیی پێکەوەکارکردنی یەکێتی و گۆڕان لەگەڵ لایەنە سیاسییەکانی دیکە بۆ بەدیهێنانی یەکڕیزی و یەکهەڵوێستی سەبارەت بە پرسە چارەنووسسازەکان.

- نابێت کاتی زیاتر بەفیڕۆ بدرێت و پێویستە هەڵبژاردنی پەرلەمانی کوردستان بکرێت.

- پێویستە هەموو لایەنەکان هاوکاربن بۆ ئەوەی شایستە داراییەکانی هەرێمی تێکەڵ بە پرسە سیاسییەکان نەکرێت و لەگەڵ بەغداد بگەنە ڕێککەوتنێکی ڕیشەیی و مافی مووچەخۆران پارێزراو بێت.

- هەماهەنگی زیاتر بکرێت بۆ ئیدارەدانی باشتر بە شێوازێک خزمەتی باشتری هاووڵاتیان بکرێت.