عێراق و سعودیە جەخت لە چالاككردنی ئەنجوومەنی هەماهەنگی نێوانیان دەكەنەوە

ئاڤا نیوز  

سەرۆكوەزیرانی عێراق لە بەغدا پێشوازی لە وەزیری دەرەوەی سعودیە كرد، تاوتوێی پەرەپێدانی پەیوەندییەكانیان لە ڕووی سیاسی و ئابوورییەوە كرد.

وێنە گەورەكە: پێش نیوەڕۆی ئەمڕۆ فەیسەڵ بن فەرحان ئال سعود، وەزیری دەرەوەی سعودیە بە سەردانێكی فەرمی گەیشتە بەغدای پایتەخت و لەگەڵ سەرۆكوەزیرانی عێراق و وەزیری دەرەوەی عێراق كۆبووەوە.

ڕاگەیێنراوی فەرمی: نووسینگەی سەرۆكوەزیرانی عێراق ڕایگەیاند: لە دیدارەكەدا تاوتوێی پەیوەندییە دووقۆڵییەكانی نێوان عێراق و شانشینی سعودیە و ئاسۆی پەرەپێدانیان لە هەموو بوارەكاندا كرا، بەتایبەتی لە ڕووی سیاسی و ئابوورییەوە.

زانیاریی زیاتر: لە بەشێكی دیكەی دیدارەكەدا "گرنگترین پێشهاتەكانی ناوچەكە و كاردانەوەی بەردەوامی دەستدرێژییەكانی سەر غەزە خرایە بەر باس لەگەڵ پێویستی بەردەوامبوونی كاری هاوبەش و هەماهەنگی هەوڵە عەرەبی و نێودەوڵەتییەكان بۆ ڕاگرتنی ئەو دەستدرێژییانە".