‎دەر‌هێنەرێکی کورد خەڵاتێکی نێودەوڵەتی بەدەست دەهێنێت

ئاڤا نیوز 

‎ژیوار محەممەد، دەرهێنەری کورتەفیلمی ژن، خەڵاتی باشترین دەرهێنەر لە فێستیڤاڵی نێودەوڵەتیی کورتەفیلم بەدەست دەهێنێت، کە بەرهەمی ساڵی 2024 ە و لەلایەن ژمارەیەک فیلمسازی لاوی هەڵەبجە و هەورامان بەرهەمهێنراوە.

‎چیرۆکی سەرەکی: کورتەفیلمی ژن باس ئازار و تەنگژەکانی ژنان دەکات، ستافی فیلمەکە پێکهاتوون لە کۆمەڵێک لاوی هەڵەبجەو هەورامان کە هەموو ساڵێک بەرهەمێکی سینەمایی دروست دەکەن و ئەمساڵیش کورتە فیلمی ژن یان بەرهەمهێناوە کە بەشدارە لە چەندین فیستیڤاڵی نێودەوڵەتی.

‎لێدوانی فەرمی: ژیوار محەممەد، دەرهێنەری کورتەفیلمی ژن بە ئاڤا نیوزی گوت: هاوکارییەکان بە پێی پێویست نین زۆربەی تێچووی کارەکان خۆمان دەیگرینە ئەستۆ، بەڵام دڵسۆزانی فیلم سازانی ئەم ناوچەیە بێ گوێدانە لایەنی ماددی بێ ماندووبوون کار دەکەن. 

‎ئەوەی پێویستە بیزانیت: کورتەفیلمی ژن تا ئێستا توانیویەتی ببێتە خاوەنی چەندین خەڵات کە دواین خەڵات خەڵاتی باشترین (چیرۆک، ئەکتەری کچ، دەرهێنەر) بوو لە دەیەمین فیستیڤاڵی نێودەوڵەتیی کورتەفیلم.