سەرۆکوەزیران بارزانی مژدەی بۆ کاسبکارانی بازاڕی قەیسەری هەیە

ئاڤا نیوز

 

سەرۆکوەزیران بارزانی سەردانی بازاڕی قەیسەری کرد و مژدەی بۆ کاسبکارە زەرەرمەندبووەکانی ئەو بازاڕە هەیە.

 

وێنە گەورەکە: چوار مانگ بەسەر سووتانی بازاڕی قەیسەری تێدەپەڕێت و بەشێکی بازاڕەکە نۆژەن کراوەتەوە، هەروەها بڕی پێنج ملیار و 300 ملیۆن دینار بۆ تەواوی نۆژه‌نكردنه‌وه‌كه‌ خەرج ده‌كرێت، بۆ جاری دووەم سەرۆکوەزیران بارزانی سەردانی بازاڕەکەی کرد.

 

زانیاریی تایبەت: دوانیوەڕۆی ئەمڕۆ پێنجشەممە 05-09-2024 سەرۆکوەزیران بارزانی بە یاوەری ئومێد خۆشناو، پارێزگاری هەولێر سەردانی بازاڕی قەیسەری کرد و سوپرایزی بۆ کاسبکارە زەرەرمەندبووەکانی بازاڕەکە هەیە، کە کاتژمێر 02:00ـی دوانیوەڕۆ پارێزگاری هەولێر سوپرایزەکە لە کۆنگرەیەکی ڕۆژنامەوانیدا ڕادەگەیێنێت.

 

باکگراوند: لە شەوی 05-05- 2024، ئاگر لە بازاڕی قەیسەریی هەولێر کەوتەوە و بووە هۆی سووتانی 228 دووکان و حەوت کۆگە، هاوکات ڕۆژی 01-07-2024 وەزارەتەکانی ناوخۆی هەرێمی کوردستان و عێراق دەستگیرکردنی "تۆڕێکی پەکەکەی سێ کەسی"یان بەتۆمەتی سووتاندنی بازاڕەکانی هەولێر، دهۆک و کەرکووک ڕاگەیاند.