لە هەولێر چوار پۆند بۆ ڕێگریکردن لە لافاو دروست دەکرێن

ئاڤا نیوز

 

لە پێناو ڕێگریکردن لە لافاو و بەفیڕۆنەچوونی ئاوی باراناو، ئەمساڵ ژمارەیک پۆند  لە هەولێر و دەوروبەری دروست دەکرێن.

 

وێنە گەورەكە: كابینەی نۆیەمی حكومەتی هەرێمی كوردستان بەردەوامە لە جێبەجێكردنی پڕۆژە خزمەتگوزارییەكان لە شار و شارۆچكەكانی هەرێمی كوردستان، یەكێک لە بەرنامەكانی كابینەكە گرنگیدانە بە کشتوکاڵ و ئاودێری، لەو چوارچێوەیەدا لەماوەی چەند ساڵی ڕابردوودا چەندین پۆند و بەنداو دروست كراون.

 

لێدوانی فەرمی: مەسعود کاڕەش، جێگری پارێزگاری هەولێر بە ئاڤا نیوزی گوت: چوار پۆند لە سەرووی بنەسڵاوە، شەوەکە، بەرزاییەکانی تارین و چەمرگە دروست دەکرێن.

 

زانیاریی زیاتر: ئەو باراناوەی لە بەرزاییەکانی هەولێر دێنە خوارەوە لەو پۆندانەدا گلدەدرێنەوە و ڕێگە لە دروستبوونی لافاو دەگرن.

 

ئەمەش بزانە: پۆندەکان کارکردن تێیاندا بەردەوامە و بۆ گلدانەوەی باراناوی زستانی ئەمساڵ بەکاردەهێنرێن.