ئەوروپا بە زیاتر لە دوو ملیار یۆرۆ گووگڵ سزا دەدات

ئاڤا نیوز

 

یەکێتی ئەوروپا بەهۆی پابەند نەبوون بە یاساکانی یەکێتییەکە، کۆمڵێک سزا بەسەر کۆمانیای گووگڵدا دەسەپێنێت.

 

وێنە گەورەکە: یەکێتی ئەوروپا یاسای بازرگانیی تایبەت بە خۆی هەیە و جیاوازە لە یاساکانی ویلایەتە یەکگرتووەکانی ئەمریکا، لەم ڕووەوە هەندێک کارەکانی گووگڵ لە ئەوروپا بە نایاسایی دادەنرێن و بەوهۆیەشەوە کۆمپانیاکەی ڕووبەڕووی ڕێکاری یاسایی کردووەتەوە.

 

ڕاگەیێندراوی فەرمی: بەپێی بڕیارێکی دادگای باڵای ئەوروپا ئەمڕۆ 2024-09-10، گووگڵ بەهۆی پێشێلکردنی یاساکانی دژە قۆرخکاریی بە زیاتر لە دوو ملیار یۆرۆ سزا درا. 

 

زانیاریی زیاتر: ئەو داوایەی لە دژی گووگڵ دەگەڕێتەوە بۆ ساڵی 2017، کاتێک یەکێتی ئەوروپا کۆمپانیا ئەمریکییەکەی تۆمەتبار کرد بەوەی  لینکی کڕینی ئۆنلاینی گووگڵ لە گەڕانەکاندا لە پێشینەی کارەکانیدا داناوە، بەپێی یاساکانی ئەوروپا ئەم کارە دژی کێبڕکێی دادپەروەرانەیە.