پارەی بنەتۆوی گەنمی جووتیاران دابەش دەکرێت

ئاڤا نیوز

 

بەڕێوەبەرایەتی کشتوکاڵی هەولێر پارەی کڕینەوەی بنەتۆوی جووتیارانی سنووری پارێزگای هەولێری دابەش کرد، کە زیاتر بوو لە ملیارێک و 500 ملیۆن دینار.

 

وێنە گەورەکە: ساڵانە لە پارێزگاکان بنەتۆو لە جووتیاران دەکڕدرێتەوە، دوای ئەوەی بژار دەکرێت و پاکدەکرێتەوە، بە نرخی پاڵپشتیکراو دەدرێتەوە جووتیاران؛ ئەو بنەتۆوەی دەکڕدرێتەوە پێویستە لەگەڵ کەشوهەوای شارەکە گونجاو بێت.

 

لێدوانی فەرمی: هێمن سەید موراد، بەڕێوەبەری گشتی کشتوکاڵی هەولێر بە ئاڤا نیوزی گوت، ئەمڕۆ پێنجشەممە، دەست دەکرێت بە دابەشکردنی یەک ملیار و 513 ملیۆن و 640 هەزار دیناری پارەی بنەتۆوی جووتیاران کە لەلایەن حکومەتی هەرێمی کوردستانەوە بە نرخی پاڵپشتیکراو دواتر بۆ جووتیاران دابین دەکرێتەوە، ئەمەش لە کاتێکدایە هێشتا بەغدا پارەی گەنمی جووتیارانی هەرێمی کوردستانی نەناردووە.

 

ئەوەی پێویستە بیزانیت: ڕۆژی 9-7-2024 دەستکرا بە وەرگرتنی بنەتۆوی گەنم لە جووتیارانی هەولێر. بۆ ئەمساڵیش هەزار و 754 تۆن بنەتۆو لە جووتیارانی سنووری هەولێر وەرگیراوە.