وەزارەتی دارایی: چوار مانگە مووچەی فەرمانبەرانی وەزارەتی کارەبا لە داهاتی ناوخۆ دەدەین

ئاڤا نیوز

 

وەزارەتی دارایی و ئابووریی هەرێمی کوردستان، تێبینییەکانی بەغدای لەسەر ناردنی پارەی مووچەی وەزارەتی کارەبا چارەسەرکردووە، بەڵام لەلایەن بەغدا لە چوار مانگی ڕابردوودا پارەیان بۆ نەنێردراوە و لە داهاتی ناوخۆ دابینکراوە.

 

وێنە گەورەکە: دوو هەزار و 630 پۆلیس بە میلاک لەسەر وەزارەتی ناوخۆن و مووچەیان لە وەزارەتی کارەبا وەرگرتووە، لەکاتێکدا لە بەغدا ئەو میكانیزمە پەیڕەوناکرێت کە میلاکیان لەسەر وەزارەتێک بێت و لە وەزارەتێکی دیکە مووچە وەربگرن.

 

لێدوانی فەرمی: هونەر جەمال، گوتەبێژی وەزارەتی دارایی و ئابووری ئەمڕۆ یەکشەممە لە گەشتی هەواڵەکانی کاتژمێر 07:00 کە هەوراز گوڵپی پێشکەشی دەکات ڕایگەیاند، "تیمی هاوبەشی دیوانی چاودێریی دارایی هەولێر و بەغدا چارەسەری کێشەی مووچەی وەزارەتی کارەبایان کردووە و پارەکەیان دەنێردرێت."

 

ئەوەی پێویستە بیزانیت: پارەی مووچەی فەرمانبەرانی وەزارەتی کارەبا نزیکەی 13 ملیار و 500 ملیۆن دینارە، مووچەی مانگەکانی ڕابردوویان لەسەر داهاتی ناوخۆ دابینکراوە.