کێشەی میراتگری خانەنشینان چارەسەر دەکرێت

ئاڤا نیوز

 

بەڕێوەبەری تۆڕەکانی پاراستنی کۆمەڵایەتی لە وەزارەتی کار و کاروباری کۆمەڵایەتیی حکومەتی هەرێمی کوردستان هەواڵێکی دڵخۆشکەر بۆ خاوەنپێداویستییانی تایبەت ڕادەگەیێنێت و باسی گەڕانەوی میراتگریش دەکات.

 

چیڕۆکی سەرەکی: لە ساڵانی ڕابردوو ئەوانەی خاوەنپێداویستیی تایبەت بوون، هاوکات میراتگری خانەنشینی بوون، مووچەی خانشینییان ڕاگیرا و دەبوو یەک مووچە وەربگرن، بەڵام لە کابینەی نۆیەمی حکومەتی هەرێمی کوردستان، بە فەرمانی سەرۆکوەزیران مەسرور بارزانی بڕیاردراوە کە مووچەی میراتگریی خانەنشینییان بۆ بگەڕێتەوە.

 

لێدوانی فەرمی: هەوراز عەبدولقادر، بەڕێوەبەری تۆڕەکانی پاراستن لە وەزارەتی کار و کاروباری کۆمەڵایەتی، لەمیانی بەشداریکردنی لە گەشتی هەواڵەکانی کاتژمێر 12:00ی ئاڤا میدیا کە ڕۆژان ئەبوبەکر پێشکەشی دەکات، ڕایگەیاند: کێشەی میراتگری خانەنشینان چارەسەرکراوە و دەتوانن سەردانمان بکەن، هاوکات مامەڵەی وەرگرتنی مووچەکانیان بکەن.

 

هەوراز عەبدولقادر لەبارەی زیادکردنی مووچەکانیشیانەوە ڕایگەیاند: داوامان کردووە بەپێی ڕێنماییەکان، نزمترین مووچەی خاوەنپێداویستیی تایبەت 250 هەزار دینار بێت، لە ئێستاشدا بەرزترین مووچەیان دەگاتە 400 هەزار دینار، هاوکات داوا لە بەغدا کراوە مووچەکانیان زیاد و هاوتای عێراق بکرێت.