ئومێد خۆشناو: لە چەند شوێنێكی هەولێر سەرپێچیی بانگەشە كراوە

ئاڤا نیوز 

 

پارێزگاری هەولێر ئاشكرای دەكات كە لە دوو ڕۆژی بانگەشەی هەڵبژاردندا لە چەند شوێنێكی شارەكە سەرپێچی كراوە.

 

وێنە گەورەكە: ڕۆژی 25-9-2024 بانگەشەی هەڵبژاردنی پەرلەمانی كوردستان دەستی پێكرد و بەربژێر و لیست و هاوپەیمانییەكان وێنە و پۆستەرەكانیان لە زۆرینەی شەقام و شوێنە گشتییەكان داناوە و كۆمسیۆنیش دانان و هەڵواسینی پۆستەر و وێنەی لە چەند شوێنێك قەدەغە كردووە.

لێدوانی فەرمی: ئومێد خۆشناو، پارێزگاری هەولێر ڕایگەیاند: لە چەند شوێنێكی سەوزایی و لەنێوان شەقامەكان، سەرپێچیی ڕێنماییەكانی بانگەشە كراوە و پۆستەی بەربژێر و لیستەكان دانراوە و هەڵواسراوە، نووسینگەی هەولێر كۆمسیۆنمان ئاگادار كردووە و ئەوانیش لەڕێگەی تیمەكانیان سەرپێچییەكان دەستنیشان و تۆمار دەكەن.

 

لەلایەكی دیكەوە: پارێزگاری هەولێر هیوای خواست كە لەسنووری پارێزگاكە كەمترین سەرپێچیی بانگەشە تۆمار بكرێت، ڕاشیگەیاند:  هەر كەسێك سەرپێچی بكات و ڕێوشوێنی پێویستی بەرامبەر دەگیرێتە بەر.