بەرپرسی ئیدارەی ھەڵبژاردنەکان: ئەنجامی بەرایی هەڵبژاردن لە بەغداوە ڕادەگەیێنرێت

 

ئاڤا نیوز

 

بەرپرسی ئیدارەی ھەڵبژاردنەکان ڕایدەگەیێنێت "تاوەکو ئێستا هیچ سەرپێچییەکی بەرچاومان لە ناو بنکەکانی دەنگدان بەدی نەکردووە" و ئاماژە بۆ ئەوەش دەکات ئەنجامی بەرایی دەنگدان لە بەغداوە ڕادەگەیێنرێت.

 

وێنە گەورەكە: ڕۆژی یەكشەممە، 20-10-2024 هەڵبژاردنی گشتی لە هەرێمی كوردستان دەستیپێكرد و بنكەكانی دەنگدان بەڕووی دوو ملیۆن و 683 هەزار و 618 دەنگدەر کرانەوە.

 

لێدوانی فەرمی: دادوەر عامر حوسەینی، بەرپرسی ئیدارەی ھەڵبژاردنەکان ڕایگەیاند: "تاوەکو ئێستا هیچ سەرپێچییەکی بەرچاومان لە ناو بنکەکانی دەنگدان بەدی نەکردووە، ئێستا لە پرۆسەی وەرگرتنی سکاڵاداین سەبارەت بە پرۆسەی دەنگدان".

 

زانیاریی زیاتر: بە گوتەی دادوەر عامر حوسەینی ئەو میمۆرییانەی بۆ ھەڵبژاردنی ھەرێمی کوردستان تەرخانکراوە بە فڕۆکە دەگوازرێتەوە بۆ بەغدای پایتەخت و ئاماژە بۆ ئەوەش دەکات ڕاگەیاندنی ئەنجامی بەرایی ھەڵبژاردنی خولی شەشەمی پەرلەمانی کوردستان لە بەغداوە دەبێت و ئەنجامی کۆتاییش لە ھەرێمی کوردستان ڕادەگەیێنرێت.