كاتی دابەشكردنی پارەی كارمەندانی سەر سندووقەكانی دەنگدان ئاشكرا دەكرێت

ئاڤا نیوز 

بەرپرسێكی كۆمسیۆنی باڵای سەربەخۆی هەڵبژاردنەكانی عێراق، زانیاری سەبارەت بە دابەشكردنی پارەی كارمەندانی سەر سندووقەكانی دەنگدان ڕادەگەیێنێت و بڕی پارەكەش ئاشكرا دەكات.

وێنە گەورەكە: لە هەڵبژاردنی خولی شەشەمی پەرلەمانی كوردستان 42 هەزار كەس وەك كارمەند لەسەر سندووقەكانی دەنگدان بوون، لەبەرامبەردا كۆمیسیۆن بڕێك پارەیان پێدەدات.

لێدوانی فەرمی: مەڕوان محەممەد، بەرپرسی ئۆفیسی هەولێری كۆمیسیۆنی هەڵبژاردنەکانی عێراق بە ئاڤا نیوزی ڕاگەیاند: "ئێستا سەرقاڵی ئامادەكردنی لیستەكانین، كارەكە دوو هەفتە دەخایەنێت و دواتر پارەی كارمەندانی سەر سندووقەكانی دەنگدان دابەش دەكرێت".

ئەوەی پێویستە بیزانیت: هەر كارمەندێك كە فەرمانبەری حكومەت نەبێت 250 هەزار دینار و ئەوانەشی كە فەرمانبەر حكومەتن 150 هەزار دیناریان پێدەدرێت.