دادگەی فیدراڵی سکاڵایەکی لەبارەی هەڵبژاردنی سەرۆکی پەرلەمانی عێراق ڕەتکردەوە

ئاڤا نیوز

دادگای فیدراڵی عێراق ڕەتیکردەوە بڕیار لەسەر سکاڵایەک بۆ بەربژێربوونی شەعلان کرەیم وەک سەرۆکی ئەنجوومەنی نوێنەرانی عێراق بدات، بە پاساوی ئەوەی پسپۆڕیی ئەوان نییە.

بۆچی گرنگە: لە ڕۆژی 14-11-2023، دادگەی باڵای فیدراڵی عێراق لە بڕیارێکدا کۆتایی بە ئەندامێتی محەممەد حەلبووسی، سەرۆکی ئەنجوومەنی نوێنەرانی عێراق هێنا، لەوکاتەوە ئەنجوومەنەکە بێ سەرۆکە.

ئەوەی پێویستە بیزانیت: سکاڵاکە لەلایەن هەریەک لە یوسف کیلابی، فالح خەزعەلی و حوسێن موئنس پێشکەشکرابوو، داوای دەکرد بڕیار لەسەر نادەستووریی بوون و هەڵوەشاندنەوەی بەربژێربوونی شەعلان کەریم بدرێت وەک سەرۆکی ئەنجوومەنی نوێنەرانی عێراق، هاوکات دەرکردنی بڕیارێک بە هەڵوەشاندنەوەی ئەو دانیشتنەی بۆ هەڵبژاردنی شەعلان کرەیم وەک سەرۆکی ئەنجوومەنی نوێنەران بەڕێوەچوو.

ئەوەی پێشبینی دەکرێت: پێشبینی دەکرێت ڕۆژی چوارشەممە دادگای باڵای فیدراڵی عێراق سکاڵایەکی دیکەی بەدەست بگات لەسەر هەڵوەشاندنەوەی ئەندامیەتی شەعلان کرەیم لە ئەنجوومەنی نوێنەرانی عێراق.