ڕووسیا ڕەتیدەکاتەوە لێدوان لەسەر فڕۆکە ئازەربایجانییەکە بدات

ئاڤا نیوز

کۆشکی سەرۆکایەتیی ڕووسیا 'کرێملین'، ڕەتیدەکاتەوە لێدوان لەسەر ڕووداوی کەوتنەخوارەوەی فڕۆکە ئازەربایجانییەکە بدات تاوەکو ئەو کاتەی لێکۆڵینەوە لە ڕووداوەکە تەواو دەبێت.

 

چیرۆکی سەرەکی: ڕۆژی چوارشەممە ڕێککەوتی 2024\25\12فڕۆکەیەکی سەربە هێڵی ئاسمانیی ئازەربایجان (AZAL)، لە نزیک شاری ئاکتاو لە کازاخستان کەوتەخوارەوە، بەوهۆیەشەوە لە ڕووداوەکەدا نزیکەی 38 کەس گیانیان لەدەستدا.

 

لێدوانی فەرمی: دێمیتری پێسکۆڤ، گوتەبێژی کۆشکی کرێملین ڕایگەیاند، "لێکۆڵینەوەکان دەستی پێکردووە و پێمان وایە تاوەکو ئەو کاتەی دەگەنە ئەنجام ،ئێمە مافی ئەوەمان نیە لێدوان لەو بارەوە بدەین و لێدوانیش نادەین."

 

ئەوەی پێویستە بیزانیت: دوای کەوتنەخوارەوەی فڕۆکەیەکی مەدەنیی ئازەربایجان، چەند ڕاپۆرتێک بانگەشەی ئەوەیان کرد کە فڕۆکەکە لەلایەن مووشەکێکی وەزارەتی بەرگریی ڕووسیاوە خرابێتە خوارەوە.