18 ساڵ بەسەر لە سێدارەدانی سەدام حوسێن تێپەڕ دەبێت

ئاڤا نیوز

 

ئەمڕۆ 18 ساڵ بەسەر لەسێدارەدانی  دیکتاتۆری عێراقدا تێدەپەڕێت، کە لە رۆژێکی وەک ئەمڕۆ لە 30ی کانوونی یەکەمی 2006 لەسێدارە درا.

 

وێنە گەورەکە: لە 13ی کانوونی یەکەمی 2003 لە ئۆپەراسیۆنی "بەرەبەیانی سوور" سەدام حوسێن لەلایەن ھێزەکانی ئەمریکا دەستبەسەرکرا، ئەمەش دوای دۆزینەوەی لەناو چاڵێکی نزیک کێڵگەیەک لە نزیک تکریت.

 

چی ڕوویدا: بەرەبەیانی رۆژی 30-12-2006 کە هاوکات بوو لەگەڵ یەکەم ڕۆژی جەژنی قوربان، پرۆسەی لە سێدارەدانی سەدام حوسێن لە بارەگای کارگێڕی ھەواڵگریی سەربازی لە ناوچەی کازیمییەی باکووری بەغدا جێبەجێکرا.

 

هۆکارە زانراوەکان: دوای بەڕێوەچوونی چەندین دانیشتنی دادگا، دواجار دادگای باڵای تاوانەکانی عێراق، لەسەر دۆسیەی "دوجێل" حوکمی لە سێدارەدانی بۆ سەدام حوسێن و بارزان تکریتی و عەواد بەندەر دەرکرد و لە بەرەبەیانی ڕۆژی 30-12-2006 حوکمەکەی بەسەردا جێبەجێکرا.

 

ئەوەی پێویستە بیزانیت: لە تۆڵەی هەوڵی تیرۆرکردنی سەدام حوسێن لە شارۆچکەی دوجێل لە ساڵی 1982، هێزە ئەمنییەکانی عێراق لەوکاتدا 148 کەسیان لە خەڵکی شیعەی ناوچەکە گولـلەباران کرد و لەسێدارەدران.