تەمەنی خانەنشینی فەرمانبەرانی عێراق هاوتای هەرێمی کوردستان دەکرێت

ئاڤا نیوز

 

بڕیارە پەرلەمانی عێراق لەدانیشتنی ڕۆژی یەکشەممەی داهاتوودا ‌خوێندنه‌وه‌ی یه‌كه‌م بۆ پرۆژه ‌یاسای هه‌مواری یاسای خانه‌نشینی ژماره‌ نۆی ساڵی 2014 بکات.

 

بۆچی گرنگە: ئەگەر یاساکە دەنگی پێویست بەدەست بهێنێت، تەمەنی خانەنشینی فەرمانبەرانی کەرتی تایبەت لە 60 ساڵەوە زیاد دەکرێتەوە بۆ 63 ساڵ. 

 

ڕاگەیێنراوی فەرمی: فەرمانگەی میدیای پەرلەمانی عێراق، خشتەی کۆبوەنەوەکانی ڕۆژی یەکشەممەی داهاتووی بڵاوکردەوە، یەکێک لەبڕگەکانی خوێندنه‌وه‌ی یه‌كه‌م بۆ پرۆژه‌یاسای هه‌مواری یاسای خانه‌نشینی ژماره‌ نۆی ساڵی 2014 دەبێت.

 

لێدوانی فەرمی: مستەفا گەرعاوی، ئەندامی لیژنەی دارایی پەرلەمانی عێراق ڕایگەیاند: کەرتی گشتی زۆر پێویستی بە شارەزایی فەرمانبەرانی بەتەمەن هەیە، تاوەکو ئەزموونی خۆیان بگوازنەوە بۆ ئەو فەرمانبەرانەی کەتازە دامەزراون، بۆیە گرنکە تەمەنی خانەنشینی فەرمانبەرانی حکومەت بگەڕێتەوە بۆ 63 ساڵ.

 

ئەمەش بزانە: بەهۆی هەمواری یەکەمی یاسای خانەنشینی فەرمانبەرانی کەرتی گشتی، ساڵی 2019 تەمەنی خانەنشینی فەرمانبەرانی حکومەت لە 63 ساڵەوە کەمکرایەوە بۆ 60 ساڵ.