دەستپێشخەریی مەسروور بارزانی هەنگاوەکانی پێکهێنانی کابینەی 10 خێراتر دەکات
- کوردستان
- 12 کانوونی دووەم

کۆبوونەوەی ئەنجوومەنی وەزیران بە سەرپەرشتی سەرۆکوەزیران
ئاڤا نیوز
دەستپێشەخەریی نیشتمانیی مەسروور بارزانی، سەرۆکوەزیرانی کوردستان بۆ یەکدەنگی و یەکهەڵوێستی لایەنە کوردستانییەکان بەرامبەر بەغدا لەپێناو دابینکردنی مووچە و بودجە و مافەکانی خەڵکی کوردستان، کەشێکی سیاسی ئەرێنی ڕەخساندووە و هەنگاوەکانی پێکهێنانی کابینەی 10 خێراتر دەکات.
وێنە گەورەکە: سەرجەم لایەنەکان پشتیوانی لە دەستپێشخەرییەکەی مەسرور بارزانی دەکەن و تێگەیشتوون کە بەبێ جێبەجێکردنی، کورد ناتوانێت یەکدەنگ و یەکهەڵوێست بێت بەمەش هاوشێوەی ساڵانی ڕابردوو ناتوانرێت مووچە و بودجە و شایستە داراییەکان و مافە یاسایی و دەستوورییەکانی خەڵکی کوردستان دابین بکرێن.
زانیاریی تایبەت: لەبارەی پێکهێنانی حکومەت لە دوایین کۆبوونەوەی هەردوو شاندی تەکنیکی پارتی و یەکێتی کە کۆتایی هەفتەی ڕابردوو کرا، داواکارییەکانی یەکێتی لە ڕەشنووسی کارنامەی کابینەی 10 جێکراونەتەوە، پێشتریش ئاڤا میدیا ئەوەی باس کردبوو کە داواکارییەکانی یەکێتی بریتیبوون لە هاوبەشی لە دەسەڵات و چەند وەزارەتێکی سیادی، ئێستا تەنیا ئەوەندە ماوە هەنگاوی کرداری بنرێت بۆ پێکهێنانی حکومەت.
هەڵوێستی لایەنەکان: جگە لە پارتی و یەکێتی کە دوو لایەنی سەرەکی پێکهێنەری حکومەتن؛
٠ نەوەی نوێ کە هێزی سێیەمە و 15 کورسی لە پەرلەمانی کوردستان هەیە، تاوەکو ئێستا یەکلایی نەبووەتەوە بەشداری دەکات یان وەکو ئۆپۆزیسیۆن دەمێنێتەوە و چاوەڕوانی ئۆفەری پارتی و یەکێتییە.
٠ یەکگرتووی ئیسلامیی کوردستان کە خاوەنی 7 کورسییە، هەرچەندە پێشتر ڕایانگەیاندبوو بەشداری ناکەن و وەکو ئۆپۆزیسیۆن دەمێننەوە، بەڵام بەپێی زانیارییەکانی ئاڤا میدیا، دوای کۆنگرە چاوەڕێی سەرکردایەتیی نوێی یەکگرتوو دەکرێت بڕیاری کۆتایی بدەن.
٠ بەرەی گەل کە لاهوور شێخ جەنگی سەرۆکایەتیی دەکات ئەویش تا ئێستا خۆی یەکلانەکردووەتەوە.
٠ بسۆسیالیست و پێکهێاتەکانی دیکە، واتا تورکمان و کریستیانەکان خۆیان یەکلا کردووەتەوە و بەشداری حکومەت دەکەن.
باکگراوند: دوێنێ شەممە بە دەستپێشخەری و سەرپەرشتی سەرۆکوەزیران مەسرور بارزانی، ئەنجوومەنی وەزیرانی کوردستان بە بەشداریی نوێنەرانی کورد لە بەغدا (وەزیر و سەرۆک فراکسیۆنە کوردستانییەکان لە حکومەت و پەرلەمانی عێراق) کۆبونەوەیەکی نائاسایی کرد و ڕێککەوتن سەرجەم لایەنەکان یەکدەنگ و یەکهەڵوێست بن بەرامبەر بەغدا، سێ بڕیاریش دەکران، بڕیارە شاندێکی هاوبەشی پارتی و یەکێتیش پەیامەکە بگەیێننە سوودانی کە ئەگەر هاوشێوەی ساڵی ڕابردوو مووچە و بودجەی خەڵکی کوردستان نەنێردرێت هەڵوێستی تووند وەردەگرن.
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- کوردستان
- 39 خولەک لەمەوپێش
نزیکەی سێ ملیۆن هاووڵاتی لە پڕۆژەی ڕووناکی سوودمەند دەبن
- بزنس
- 41 خولەک لەمەوپێش
دوایین زانیاری لهبارهى مووچه و ڕێككهوتنی ههولێر و بهغدا
هەڵبژاردەکان بۆ تۆ
چەوریی جگەر، مرۆڤ تووشی چەندین نەخۆشیی دیکە دەکات
8 کاتژمێر لەمەوپێش
ئیمارات بۆ ڕووبەڕووبوونەوەی گەرما فێنککەرەوە لە گۆڕستانەکان دادەنێت
20 کاتژمێر لەمەوپێش
پەرەسەندنی تەکنەلۆژیا لە چین؛ سواڵکردنیش بووە بە ئەلیکترۆنی
21 کاتژمێر لەمەوپێش
ئەو کەسەی لە هەولێر فێڵی لە خێزانێکی ڕۆژهەڵاتی کوردستان کرد دەستگیر کرا
21 کاتژمێر لەمەوپێش
هەڵەیەکی پزیشکی لە هەولێر 10 ساڵ ژیانی کچێک تێکدەدات
21 کاتژمێر لەمەوپێش
- کوردستان
- 39 خولەک لەمەوپێش
نزیکەی سێ ملیۆن هاووڵاتی لە پڕۆژەی ڕووناکی سوودمەند دەبن
- هەواڵ
- 1 کاتژمێر لەمەوپێش
هێرشە درۆنییەکانی سەر هەرێمی كوردستان دەگەیێنرێتە جنێڤ
- کوردستان
- 1 کاتژمێر لەمەوپێش
لیژنەیەک لەبارەی هێرشە درۆنییەکانی سەر کوردستان دێتە هەولێر
- هەواڵ
- 2 کاتژمێر لەمەوپێش
زیاتر لە 100 گەڕەکی دیکەی سلێمانی دەبنە خاوەنی کارەبای 24 کاتژمێری