نێچیرڤان بارزانی و خەزعەلی دوورخستنەوەی عێراق لە ململانێکانی ناوچەکە بە پێویست دەزانن

ئاڤا نیوز

 

سەرۆکی هەرێمی کوردستان و ئەمینداری گشتیی عەسائیبی ئەهلی حەق کۆبووەوە، لە کۆبوونەوەکەدا هەردوولا دوورخستنەوەی عێراقیان لە ململانێکانی ناوچەکە بە پێویست زانی و جەختیشیان لەسەر گرنگيی یەکڕیزیی نیشتمانی بۆ ڕووبەڕووبوونەوەی ئاستەنگە ناوخۆیی و دەرەکییەکان کردەوە.

 

وێنە گەورەکە: ڕۆژی دووشەممە 13-1-2025، لەمیانی سەردانەکەی بۆ بەغدا، نێچیرڤان بارزانی، سه‌رۆكى هه‌رێمى كوردستان لەگەڵ قەیس خەزعەلی، ئەمینداری گشتيی عەسائیبی ئەهلی حەق کۆبووەوە و تاوتوێی چەند پرسێکی ناوخۆیی و ناوچەیی کرا.

 

ڕاگەیێنراوی فەرمی: ماڵپەڕی فەرمیی سەرۆكایەتیی هەرێمی كوردستان ڕایگەیاند:

 

• هه‌ردوولا جەختیان لەسەر گرنگيی بەهێزکردنی هاوکاريی نێوان هەموو لایەنە عێراقییەکان کردەوە بۆ پاراستنی ئاسایش و سەقامگیريی وڵات، هه‌روه‌ها پێویستيی کاری هاوبەشیان تاوتوێ کرد بۆ پاراستنی عێراق لە کاریگەرییەکانی دۆخی ناوچه‌كه‌.
•  

- هه‌ردوولا هاوڕابوون لەسەر پێویستی دوورخستنەوەی عێراق لە ململانێکانی ناوچەکە، جەختیشیان لەسەر گرنگيی یەکڕیزیی نیشتمانی کردەوە بۆ ڕووبەڕووبوونەوەی ئاستەنگە ناوخۆیی و دەرەکییەکان.