
دیمەنی کۆبوونەوەی ئەنجوومەنی نوێنەرانی عێراق، فۆتۆ - ڕاگەیاندنی ئەنجوومەنی نوێنەرانی عێراق
ئاڤا نیوز
لیژنەی دارایی پەرلەمانی عێراق هەمواری یاسای بودجەی پەسەند کرد کە پەیوەستە بە هەناردەکردنەوەی نەوتی کوردستان، بەڵام لە دانیشتنی پەرلەمان کێشەی بۆ دروست کرا و هەرکە گەیشتە سەر باسی کوردستان، زۆربەی پەرلەمانتارانی شیعە هۆڵی کۆبوونەوەیان جێهێشت.
بۆچی گرنگە: بەگوێرەی هەمواری بڕگەی (ج) ماددەی 12 لە یاسای بودجە، تێچووی بەرهەمهێنان و گواستنەوەی نەوتی کوردستان لە 6 دۆلارەوە بۆ 16 دۆلار زیاد دەکرێت، لەسەر ئەو بنەمایەش هەناردەی نەوتی هەرێمی کوردستان ڕاستەوخۆ دەستپێدەکاتەوە.
چی ڕوویدا: ئەنجوومەنی نوێنەرانی عێراق بە سەرۆکایەتی مەحموود مەشهەدانی و بە ئامادەبوونی 167 ئەندام پەرلەمان کۆبووەوە، دوای دەنگدان لەسەر پرۆژە یاسای دەزگای هەواڵگری کە بڕگەی یەکەمی دانیشتنەکە بوو، دواتر کە هاتە سەر بڕگەی دووەم کە تایبەت بوو بە دەنگدان لەسەر هەمواری یاسای بودجە، بەشێکی زۆری پەرلەمانتاران بە تایبەت پەرلەمانتارە شیعەکان هۆڵی کۆبوونەوەکەیان جێهێشت. دواتر خوێندنەوەی یەکەم بۆ پرۆژە یاسای هەمواری یەکەمی یاسای دەستەی گشتی بۆ چاودێریکردنی تەرخانکردنی داهاتی فیدراڵی تەواو کرا و پاشان دانیشتنەکە هەڵگیرا.
لێدوانی فەرمی: نەهرۆ ڕواندزی، جێگری سەرۆکی لیژنەی نەوت و گاز لە پەرلەمانی عێراق بە ئاڤا میدیای ڕاگەیاند: پەرلەمانتارانی شیعە دەیانەوێت هەندێک بەند لە یاسای بودجە لە بەرژەوەندی خۆیان بگۆڕن و بۆ ئەوەی لە داهاتوودا وەک بانگەشەی هەڵبژاردن بەکاری بهێنن، لەوانەی بابەتی دامەزراندن، بابەتی پترۆ دۆلار بۆ ئەو پارێزگایانەی نەوتیان هەیە تاوەکو شایستە داراییەکانیان بۆ خەرج بکرێت.
ئەوەی پێویستە بیزانیت: پێش دەستپێکردنی دانیشتنی ئەمڕۆی پەرلەمان لیژنەی دارایی کۆبووەوە لە کۆبوونەوەکە دەنگ لەسەر هەمواری یاسای بودجە درا وەک ئەوەی لە لایەن حکومەتەوە هاتووە بەبێ دەستکاری کردن.
زانیاریی بەدەستهاتوو: بەپێی ئەو زانیارییانەی دەست پەیامنێری ئاڤا لە بەغدا کەوتووە، لە کۆبوونەوەی لیژنەی دارایی لە کۆی 17 پەرلەمانتار تەنیا 10 پەرلەمانتار دەنگیان لەسەر هەموارەکە داوە.
دوایین هەواڵەکان
- جیهان
- 3 خولەک لەمەوپێش
ژاپۆن هۆشداریی دەدات لە کەمبوونەوەی ڕێژەی منداڵبوون
- کوردستان
- 19 خولەک لەمەوپێش
لە دهۆک سەرۆک شارەوانییەک و موختارێک دەستگیر دەکرێن
- ڕۆژهەڵاتی ناوەڕاست
- 55 خولەک لەمەوپێش
لە تورکیا 32 کۆچبەری نایاسایی دەستگیرکران
هەڵبژاردەکان بۆ تۆ
ژاپۆن هۆشداریی دەدات لە کەمبوونەوەی ڕێژەی منداڵبوون
3 خولەک لەمەوپێش
قوماری ئەلیکترۆنی دەیان خێزان لە هەرێمی کوردستان هەڵدەوەشێنێتەوە
17 کاتژمێر لەمەوپێش
لە حەوت ڕۆژی ڕابردوو زیاتر لە 100 هەزار کەس سەردانی فێستیڤاڵی شێفەکانیان کردووە
18 کاتژمێر لەمەوپێش
پزیشکان هۆشداری دەدەن: گرتنەوەی فرمێسک زیانی مەترسیدار بە چاوەکان دەگەیەنێت
21 کاتژمێر لەمەوپێش
بۆ چارەسەری قەیرانی دەرمان ئێران پەنا بۆ چاندن و بەرهەمهێنانی حەشیش دەبات
22 کاتژمێر لەمەوپێش
- هەواڵ
- 11 کاتژمێر لەمەوپێش
بە تۆمەتی ساختەکاری سێ فەرمانبەر دەستگیر دەکرێن
- هەواڵ
- 12 کاتژمێر لەمەوپێش
زیاتر لە 170 تۆن گۆشتی خراپبوو دەستی بەسەردا دەگیرێت
- عێراق
- 13 کاتژمێر لەمەوپێش
کەتائیبی حیزبوڵڵا داوای سڕکردنی بڕیارەکانی سوودانی دەکات
- هەواڵ
- 16 کاتژمێر لەمەوپێش
کۆمیسیۆن پەسەندکردنی "هاوپەیمانیی ئیستیحقاقی دیالە" هەڵدەوەشێنێتەوە
- هەواڵ
- 18 کاتژمێر لەمەوپێش
ئەنجوومەنی وەزیرانی عێراق ڕەنگی واژۆی بەرپرسان بەپێی پلەکانیان دیاری دەکات