ئاسایشی ڕاپەڕین باندێكی 11 كەسیی هەڵكۆڵینی ناوچەی شوێنەواریی دەستگیر دەکات

ئاڤا نیوز

 

11 كەس كە سەرقاڵی هەڵكۆڵینیی ناوچەیەكی شوێنەواری بوون لە دەڤەری ڕاپەڕین لەلایەن ئاسایشی سنوورەكەوە دەستگیر كران.

 

ڕاگەیێنراوی فەرمی: ئیدارەی سەربەخۆی ڕاپەڕین ڕایگەیاند: لە چالاکییەکی هێزەکانی بەڕێوەبەرایەتیی ئاسایشی ڕاپەڕین بە هاوکاری یاریدەدەریەتی ئاسایشی سەرکەپکان لەسەر بنەمای زانیاریی پێشوەختە و دوای ئەنجامدانی چاودێری ورد، لەسەر فەرمانی دادوەری لێکۆڵینەوەی ئاسایش توانیان 11 تۆمەتباری شوێنەوار لە کاتی هەڵکۆڵینی یەکێک لە ناوچە شوێنەوارییەکانی سنوورەکە دەستگیر بکەن کە ته‌مه‌نیان لە نێوان 25 تاوەكو 40 ساڵیدا بوو.

 

زانیاریی زیاتر: لە كاتی دەستگیركردنی باندەكە دەست بەسەر دوو ئامێری تایبەت بە پشكنین و دۆزینەوە و هەڵكۆڵینی شوێنەواردا گیرا كە تۆمەتبارەكان ویستوویانە بەكاری بهێنن.