جارێکی دیکە ئاگرەکەی لۆس ئەنجلۆس سەرهەڵدەداتەوە

ئاڤا نیوز

 

دەسەڵاتدارانی ئەمریکا داوا لە زیاتر لە 50 هەزار کەس دەکات لە نزیک دەریاچەی کاستایک شوێنی حەوانەوەیان  چۆڵ بکەن، ئەمەش بەهۆی سەرهەڵدانەوەی ئاگرەکەی لۆس ئەنجلۆس.

 

وێنەگەورەکە: دوای دوو هەفتە لە بەردەوامی ئاگرە وێرانکەرەکەی لۆس ئەنجلۆس لە ویلایەتی کالیفۆرنیا، هێشتا بەتەواوی کۆنترۆڵ نەکراوە، بەهۆی خێرایی با جارێکی دیکە ئاگر لە بەشێک لە ناوچەکانی لۆس ئەنجلۆس سەریهەڵداوەتەوە، 

 

ئەوەی ئێستا ڕوودەدات: ئێستا ئاگرەکە بە خێرایی لە نزیک دەریاچەی کاستایک بڵاودەبێتەوە، لە ماوەی کەمتر لە دوو کاتژمێردا سەدان دۆنم زەوی سووتاندووە.

 

لێدوانی فەرمی: ئەنتۆنی مارۆن، بەڕێوەبەری بەشی ئاگرکوژێنەوەی پارێزگای لۆس ئەنجلۆس ڕایگەیاند "ئەو دۆخەی ڕووبەڕوومان دەبێتەوە، تەواو جیاوازە لەو دۆخەی کە 16 ڕۆژ لەمەوبەر تێیدا بووین."

 

زیانە سەرەکییەکان: بەهۆی ئاگرەکەی لۆس ئەنجلۆسەوە تاوەکو ئێستا 27 کەس گیانیان لەدەست داوە و 15 هەزار خانوو و باڵەخانە وێران بوون و زیانەکانیش بە زیاتر لە 250 ملیار دۆلار دەخەمڵێنرێن.