تورکیا بۆ یەکەمجار بە ئاشکرا پێشوازی لە فەرماندەیەکی کورد دەکات

ئاڤا نیوز

وەزیری بەرگریی تورکیا پێشوازی لە مەنسوور بارزانی، فەرماندەی لەشکری تایبەتی یەک و گوڵان-ی هێزی پێشمەرگەی کوردستان کرد.

بڵاوکراوەی فەرمی: پەڕەی فەرمی وەزارەتی بەرگریی تورکیا لە تۆڕی ئێکس وێنەیەکی یەشار گولەر، وەزیری بەرگریی تورکیای لەگەڵ مەنسوور بارزانی، فەرماندەی لەشکری تایبەتی یەک و گوڵان-ی هێزی پێشمەرگەی کوردستانی بڵاوکردووەتەوە و دەڵێت، لەلایەن وەزیری بەرگرییەوە لە ئەنقەرە پێشوازی لێکراوە.

ئەوەی پێویستە بیزانیت: ئەمە یەکەمجارە وەزیرێکی تورکیا بە ئاشکرا پێشوازی لە فەرماندەیەکی سەربازی کورد بکات و لە میدیاکانی ئەو وڵاتەدا بەو بایەخپێدانەوە بڵاوبکرێتەوە.

ئەمەش بزانە: ڕۆژی 7ی 1ی 2025، سەرۆکوەزیران مەسرور بارزانی سەردانی ئەنقەرەی کرد و لەگەڵ ڕەجەب تەیب ئەردۆغان، سەرۆککۆمار و هاکان فیدان، وەزیری دەرەوەی تورکیا کۆبووەوە.