لەڕێگەی قەرزی بانکی دەتوانیت کارەبای ماڵەکەت بکەیتە سەرچاوەی وزەی خۆر

ئاڤا نیوز

 

بڕیارە حکومەتی عێراق لە ڕێگەی دەستپێشخەری پێدانی قەرز، هانی هاونیشتمانیان بدات بۆ بەرهەمهێنانی کارەبا لەڕێگەی وزەی خۆر، ئەم بڕیارە هەرێمی کوردستانیش دەگرێتەوە.

 

وێنە گەورەکە: بەهۆی گۆڕانکارییە ژینگەییەکان لە جیهان، گرنگی زۆر بە بەرهەمهێنانی کارەبا لەڕێگەی وزەی خاوێن دەدرێت، لە هەرێمی کوردستان ئەم هەنگاوە بە ڕژدی دەستیپێکردووە.

 

لێدوانی فەرمی: د.ئامانج مەحمود، ئەندامی لیژنەی وزە لە پەرلەمانی عێراق بە ئاڤا میدیای ڕاگەیاند، حکومەتەکەی سوودانی دەستپێشخەری 90 ملیار دیناری هەیە. بڕیارێک دەرچووە هەموو باڵەخانەیەکی حکومی، بەوانەی هەرێمی کوردستانیشەوە کارەباکەیان بکرێت بە وزەی خۆر.

 

- یەک ترلیۆن دیناری بۆ ئەو پڕۆسەیە تەرخانکراوە و هاوڵاتییانی هەرێمی کوردستانیش دەگرێتەوە.

- پێدانی قەرز لەماوەی دوو مانگی داهاتوودا دەستپێبکات.

 

- هەفتەی ئایندە لە پەرلەمانی عێراق دەنگ لەسەر پڕۆژە یاسایەکە دەدرێت.

 

بۆچی گرنگە: دەنگدان لەسەر پڕۆژە یاسایەکە کاریگەریی دەبێت لەسەر زیادبوونی خواست بۆ دانانی سیستمی وزەی خۆر، ئەمەش دەبێتەهۆی کەمبوونەوەی خواست لەسەر کارەبای نیشتمانی و پاراستنی زیاتری ژینگە.