
لۆگۆی هەرێمی کوردستان و عێراق
ئاڤا نیوز
ئەمڕۆ سێشەممە لە هەولێر و بەغدا سێ کۆبوونەوە لەبارەی مووچە و هاوتاکردنی مووچەی خانەنشینان و بابەتەکانی پەیوەست بە میلاکات و فەرمانبەران دەکرێن.
وێنە گەورەکە: هەولێر و بەغدا بەردەوامن لە دانووستان بۆ چارەسەری گرفتە تەکنیکییەکانی نێوانیان بە ئامانجی دۆزینەوەی چارەسەری کۆتایی بۆ پرسی بودجە و مووچەی تایبەت بە هەرێمی کوردستان، ئەم هەفتەیش شاندێکی دیکەی هەولێر سەردانی بەغدا.
ئەوەی پێویستە بیزانیت: بڕیارە کۆبوونەوەکانی نێوان هەولێر و بەغدا بەم شێوەیە بەڕێوەبچن:-
کۆبوونەوەی یەکەم: لە وەزارەتی دارایی و ئابووریی هەرێمی کوردستان لەبارەی دابینکردن و یەکلاکردنەوەی کەیسی مووچەی چەند توێژێکی مووچەخۆران کۆبوونەوەیەک دەکرێت، لەوانە کەسوکاری پلە یەک و دووی شەهیدان، ئەو مامۆستا و فەرمانبەرانبەرانی گەیشتوونەتە تەمەنی خانەنشینی واتا 60 ساڵ، بەڵام بەهۆکاری جیاواز و لەبەر پێویستی جارێ خانەنشین نەکراون. ئاڤا زانیویەتی کۆبوونەوەکە بۆ ئەوەیە ئەگەر وەزارەتی دارایی عێراق تەواوی تەرخانی داراییان بۆ نەکات، یان ئەگەر مووچەی خانەنشینیان بۆ ببەسترێت و ئەو زیادە مووچەیەی پێویستە وەکو فەرمانبەر وەری بگرن چۆن دابین بکرێت لە داهاتی ناوخۆی کوردستان.
کۆبوونەوەی دووەم: تیمی بەڕێوەبەرایەتیی گشتیی بودجەی کوردستان بە سەرۆکایەتیی نەهرەوان گەنجۆ، بەڕێوەبەری میلاک سێ ڕۆژە لە بەغدایە، لەبارەی چەند تەوەرێک لەگەڵ هاوتاکانیان کۆبوونەوەیان کردووە، بۆنموونە هاوتاکردنی ناونیشانی وەزیفی و دانانی ژمارەی وەزیفی بۆ مووچەخۆران، ، چەند پرسێکیش ماون و پێویستە گفتوگۆیان لەبارەوە بکرێت، لەوانەبەهەمیشەییکردنی فەرمانبەرانی گرێبەست و دەستپێکردنەوەی دامەزراندنی فەرمانبەرانی نوێ و چەند بابەتێکی دیکە. کۆبوونەوەی ئەمڕۆ تەواوکاری کۆبوونەوەکانی دوو ڕۆژی ڕابردوو دەبێت.
کۆبوونەوەی سێیەم: کۆبوونەوەی تیمی بەڕێوەبەرایەتیی گشتیی خانەنشینی کوردستانە لەگەڵ بەرێوەبەرایەتیی گشتیی خانەنشینی عێراق و لایەنە پەیوەندیدارەکان لەبارەی تەواوکردنی ڕێککارەکانی هاوتاکردنی مووچەی خانەنشینانی مەدەنی بەردەوام دەبێت.
لەلایەکی دیکەوە: دوێنێ دووشەممە هەردوولا لەسەر هاوتاکردنی مووچەی خانەنشینانی مەدەنی ڕێککەوتن کە زیاتر لە 175 هەزار کەس دەگرێتەوە، بەڵام بەپێی ڕاگەیێنراوێکی وەزارەتی دارایی عێراق، پێویستە ڕێککارەکان تەواو بکرێن و دواتر ڕاسپاردەکانی کۆتایی ئامادە بکرێن بۆ دەنگدان و پەسەند کردن.
زانیاریی تایبەت: چەند بابەتێکی دیکەی پەیوەست بە خانەنشینان ماون پێویستە گفتوگۆیان لەسەر بکرێت، بۆ هەمان مەبەست ئاڤا زانیویەتی ماهیر حوسێن، سەرۆکی دەستەی خانەنشینی عێراق بەڵێنی داوە بەمزووانە سەردانی هەولێر بکات.
دوایین هەواڵەکان
- جیهان
- 2 خولەک لەمەوپێش
ئەنجامە بەراییەکانی هەڵبژدارنەکانی کەنەدا ڕاگەیێنرا
- ڕۆژهەڵاتی ناوەڕاست
- 9 کاتژمێر لەمەوپێش
ئیسرائیل هەڕەشەی هێرشی سەربازی بۆ سەر ئێران دەکات
- عێراق
- 9 کاتژمێر لەمەوپێش
لەموسەننا دەستبەسەر 440 تۆن برنجی خراپ و ماوە بەسەرچوو دەگیرێت
- کولتوور
- 9 کاتژمێر لەمەوپێش
هاوبەش جیهان گۆرانی "چاوەکەم" بڵاودەکاتەوە
هەڵبژاردەکان بۆ تۆ
قاقێ لە هەولێر دەستگیر کرا؛ کێ بوو و چی کردووە؟
11 کاتژمێر لەمەوپێش
یەکێتیی زانایان داوا دەکات کارئاسانی لە پرۆسەی هاوسەرگیری و مارەیی بکرێت
27 نیسان
شارەزایانی تەندروستی: کاهوو بەکتریای مەترسیدار لەخۆدەگرێت
27 نیسان
لە هەولێر دەنگۆی دروستکردنی تاوەری خەلیفە ڕەتدەکرێتەوە
27 نیسان
سپۆتیفای نرخی بەشداریکردن لە ئەپەکە بەرزدەکاتەوە
27 نیسان
- بزنس
- 13 کاتژمێر لەمەوپێش
وردبینی تەواو بوو؛ کەی مووچەی مانگی چوار دەنێردرێت؟
- بزنس
- 18 کاتژمێر لەمەوپێش
دیوانی چاودێری دارایی عێراق: 25%ی فەرمانبەرانی کوردستان مووچەیان بەبانکی کراوە