حەوتەمین خولی کۆنفرانسی دیالۆگی نێودەوڵەتیی بەغدا دەستیپێکرد

ئاڤا نیوز

 

لەژێر ناونیشانی "لەپێناو گەشەپێدان و سەقامگیریی ناوچەکە"، حەوتەمین خولی کۆنفرانسی دیالۆگی نێودەوڵەتیی بەغدا لە پایتەختی عێراق دەستیپێکرد.

 

چیرۆکی سەرەکی: بەسەرپەرشتی محەممەد شیاع سوودانی،  سەرۆکوەزیرانی عێراق، پەیمانگای عێراقی بۆ دیالۆگ، میوانداریی حەوتەمین خولی کۆنفرانسی دیالۆگی نێودەوڵەتیی بەغدا دەکات، کە هەر لە شاری بەغدا بە بەشداریی چەندین کەسایەتی ناودار لەسەر ئاستی بیرکردنەوە و خوێندن و زانکۆ بەناوبانگەکان لە 22 وڵات، بەڕێوەدەچێت.

 

ڕاگەیێنراوی فەرمی: پەیمانگای عێراقی بۆ دیالۆگ ڕایگەیاند: کۆنفرانسەکە تاوتوێی دوایین پێشهاتەکانی ناوچەکە و پرۆژەی ڕێگای گەشەپێدان دەکات، وەک پایەیەکی ئابووری نانەوتی بەردەوام و خاڵی پەیوەندی کە خزمەت بە هەموو لایەک دەکات.

 

زانیاریی زیاتر: گۆڕانکارییەکانی سووریا و پێکهێنانی ئیدارەی نوێ لە وڵاتە، پێشهاتەکانی غەززە و باشووری لوبنان و دەرفەتەکانی سەقامگیری ناوچەکە بابەتی دیکەی کۆنفراسەکەیە کە بۆ ماوەی دوو رۆژ بەردەوام دەبێت.