نرخی مریشکی سپی لە هەرێمی کوردستان بەرزبووەتەوە

ئاڤا  نیوز

 

ماوەی دوو ڕۆژە نرخی مریشکی سپی بەشێوەیەکی بەرچاو بەرزبووەتەوە، بەڕێوەبەری سامانی ئاژەڵی هەرێمی کوردستان لەو بارەیەوە دەڵێت، 'لیژنەکانی چاودێری بازاڕ و بازرگانی لە قایمقامییەتەکان، دەتوانن نرخ کۆنترۆڵ بکەن'.

 

وێنە گەورەکە: بەهۆی بەرزبوونەوەی نرخی مریشکی سپی لە بازاڕەکانی هەرێمی کوردستان، ناڕەزایەتیی هاونیشتمانییانی بەدوای خۆیدا هێناوە، بەهۆی ئەوەی نرخی یەک کیلۆ مریشک 400 بۆ 500 دینار بەرزبووەتەوە. 

 

لێدوانی فەرمی: فیراس سدیق، بەڕێوەبەری سامانی ئاژەڵی هەرێمی کوردستان، بە ئاڤا میدیای ڕاگەیاند: بەرهەمهێنان لەسەرە وەزارەتی کشتوکاڵە، بەڵام لیژنەکانی چاودێری بازاڕ و بازرگانی لە قایمقامییەتی ئیدارەی شارەکان، دەتوانن بەدواداچوون بۆ کۆفرۆش و دوکانەکان بکەن و نرخەکان کۆنترۆڵی بکەن.

 

زانیاریی زیاتر: فیراس سدیق دەڵێت: نرخی یەک کیلۆ مریشک لە وەرزی زستاندا لەسەر خاوەنی کێڵگە پەلەوەرییەکان دوو هەزار و 400 دینارە، لە وەرزی هاویندا نرخەکەی بە دوو هەزار و 200 دینارە، بۆیە ئەگەر کیلۆیەک مریشک بە سێ هەزار و 600 دینار بگاتە دەستی هاووڵاتی ئاساییە، لەوە زیاتربێت گرانە و قۆرغکردنی بازاڕە، کەمتریش بێت زەرەری خاوەن کێڵگەی پەلەوەرییەکانە.

 

زانیاریی پەیامنێر: ڕزگار کۆچەر پەیامنێری ئاڤا ئەمڕۆ بەدواداچوونی بۆ نرخی مریشک کردووە، ڕاگەیاند: ئەمڕۆ بڕێکی زۆر مریشک خراوەتە بازاڕەوە، بۆیە نرخەکەی 300 بۆ 500 دینار دابەزیووە، یەک کیلۆ مریشک ئێستا لە بازاڕدا سێ هەزار بۆ سێ هەزار و 250 دینارە، بەڵام دوێنێ یەک کیلۆ مریشک بە سێ هەزار و 600 دینار بوو.

 

زانیاریی تایبەت:  دوو مانگە هێلکەی تروکێنەر لە تورکیاوە نەهاتووەتە هەولێر و دهۆک، ئەمەش هۆکارێکە بۆ بەرزبوونەوەی نرخەکان.

 

ئەوەی پێویستە بیزانیت: نزیکەی دوو هەزار کێڵگەی پەلەوەری گەورە لە هەرێمی کوردستان هەیە، بەرهەمی ئەم کێڵگانە پێداویستی ناوخۆ پڕدەکەنەوە و 40%ـی بەرهەم بۆ شارەکانی ناوەڕاست و خوارووی عێراق