
ئاڤا نیوز
لەگەڵ دەستبەکاربوونی یەکەم بانکی نیشتمانی لە هەرێمی کوردستان، 19 جۆر قەرز و پێشینە بە هاونیشتمانیان و فهرمانبهرانی هەرێمی کوردستان دەدرێت.
لێدوانی فهرمی: مەولوود سابیر، بەڕێوەبەری بانکە بازرگانییەکانی هەرێمی کوردستان بە ئاڤا نیوز گوت: باڵەخانە دابینکراوە و هەموو ئامادەکارییەک تەواوکراوە، تەنها ڕەزامەندی ئەنجوومەنی وەزیران ماوە بۆ دانانی سەرۆک و ئەندامانی ئەنجوومەنی کارگێڕی.
ئەوەی پێویستە بیزانیت: بانكی ناوەندیی عێراق لە دوای ساڵی 2003ەوە 19 جۆر قەرز و پێشینەی جیاواز بە فەرمانبەران و هاووڵاتیان دەدات، لەمەودوا بۆ خەڵکی کوردستانیش بەردەست دەبن.
پێشینهکان:
- هاوسەرگیری - 10 ملیۆن دینار
- خانەنشینان - 5 بۆ 25 ملیۆن دینار
- قوتابیان ماستەر و دکتۆرا - 10 ملیۆن دینار
- وەزارەتەکانی ناوخۆ و بەرگری - 25 ملیۆن دینار
- حەشدی شەعبی - 5- 10 ملیۆن دینار (تاوەکو ئێستا ڕوون نییە چۆن بۆ توێژی سەربازی لە هەرێمی کوردستان دەگونجێنرێت).
- فەرمانبەرانی گرێبەست - 5- 10 ملیۆن دینار
- فەرمانبەرانی کەرتی تایبەت - 10 ملیۆن دینار
- ڕۆژنامەنووسان- 3 ملیۆن دینار
قەرزەکان:
- کڕینی زەوی - 50 بۆ 75 ملیۆن دینار
- کڕینی خانوو - 75 بۆ 150 ملیۆن دینار
- کڕینی یەکەی نیشتەجێبوون لە پڕۆژەکان (شووقە و ڤێلا و خانوو) - 100 بۆ 300 ملیۆن دینار
- نۆژەنکردنەوەی خانوو - 15 بۆ 50 ملیۆن دینار
- پڕۆژەی بچووک - 25 ملیۆن دینار
- کڕینی ئۆتۆمبێل - 60 ملیۆن دینار
- بێوەژنان و تەڵاقدراوان - 10 ملیۆن دینار
- خاوەن پیشە پزیشکییەکان - 150 ملیۆن دینار
- خاوەن قوتابخانە و زانکۆ تایبەتەکان - 150 ملیۆن دینار
- دادوەران - 150 ملیۆن دینار
- خاوەن هۆتێلەکان - 50 ملیۆن دینار
بۆچی گرنگه: پێدانی قەرز و پێشینە بە هاونیشتمانیان کاریگەری دەبێت لەسەر باشترکردنی ژیانی خەڵک و بووژانەوەی بازاڕ، گەشەپێدانی پرۆژە ئابوورییە بچووکەکان و ڕەخساندنی هەلی کار بۆ گەنجان، هاوکات پڕکردنەوەی ئەو بۆشاییەی بانکەکانی عێراق لە هەرێمی کوردستان دروستیان کردووە.
زانیاریی زیاتر: بانکی نیشتمان بە سەرمایەى 250 ملیار دینار دادەمزرێت و هەموو بانکەکانی هەرێمی كوردستان لەخۆدەگرێت کە ژمارەیان 94 بانکە. چەند کارێکی دیکەش دەکات وەکو: بەئەلیکترۆنیکردنی سیستمی دارایی، دابینکردنی دۆلار بۆ بازاڕەکانی دراوی کوردستان، بەرەوپێشبردنی سیستمی بانکی و برەودان بە کەرتی بازرگانی.
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- جیهان
- 9 کاتژمێر لەمەوپێش
سەرەڕای هەوڵەکانی ئاگربەست، ڕووسیا لە پێشڕەوییەکانی بەردەوامە
- جیهان
- 10 کاتژمێر لەمەوپێش
ترەمپ لەسەر کۆنترۆڵکردنی گرینلاند سوورە
- کوردستان
- 10 کاتژمێر لەمەوپێش
فازڵ میرانی: دەسەڵاتدارانی بەغدا کوردیان وەک هاوبەش قبووڵ نەکردووە
هەڵبژاردەکان بۆ تۆ
لە هەولێر دوو هەزار دۆنم زەوی سەوزە تێکدراوە کە بە ئاوەڕۆ بەرهەم دەهات
12 کاتژمێر لەمەوپێش
چەند مەیموونێک خەڵکی گەڕەکێکی هەولێر هەراسان دەکەن
13 ئازار
پڕۆژەی فریاگوزاریی خێرای ئاوی هەولێر 75%ی تەواو بووە
13 ئازار
هاوشێوەی چاپکراوەن دراوە ئەلیکترۆنییەکانیش زەکاتیان لێدەردەکرێت
13 ئازار
خۆری ئاڤا؛ چیرۆکی دایک و کچێکی نەخۆش لە شاری ڕانیە کە لە دۆخێکی سەختی ئابووریدان
13 ئازار
- بزنس
- 16 کاتژمێر لەمەوپێش
وەزارەتی دارایی بۆ وەزارەتەکان: تا یەکشەممە لیستی مووچەی مانگی سێ بنێرن
- بزنس
- 22 کاتژمێر لەمەوپێش
بانكەكان لەڕۆژانی پشوودا مووچە دابەش دەكەن