دوایین زانیاریی لەبارەی لێبڕینی خانەنشینی پلە تایبەتەکانی پێشمەرگە لە سنووری سلێمانی

ئاڤا نیوز

 

لە مووچەی مانگی یەکی ئەمساڵ، خانەنشینانی پلە تایبەتەکانی لیوا هاوبەشەکانی سەر بە وەزارەتی پێشمەرگە بەشێکی مووچەکانیان بڕدرا و ئاڤا میدیا دوایین زانیاریی لەمبارەیەوە ئاشکرا دەکات.

 

وێنە گەورەکە: لە سنووری سلێمانی خانەنشینانی پلە تایبەتی سەربە لیوا هاوبەشەکانی وەزارەتی پێشمەرگە، لە مووچەی مانگی یەک لێبڕین لە مووچەکانیان هەبووە، کەچی لە سنووری پارێزگاکانی هەولێر و دهۆک مووچەکانیان نەبڕاوە، ئاڤا ئەم پرسەی گەیاندە لایەنە پەیوەندیدارەکان.

 

لێدوانی فەرمی: مریەم عوسمان، بەڕێوەبەری گشتیی خانەنشینی بە ئاڤا میدیای ڕاگەیاند: کێشەی ئەو خانەنشینانەی سنووری سلیمانی چارەسەر کراوە، ئەو بڕە پارەیەشی لە مانگی ڕابردوو لێیان بڕاوە، لەگەڵ مووچەی مانگی دوو بۆیان دەگەڕێندرێتەوە و پارەکانیان نافەوتێت.

 

ئەوەی پێویستە بیزانیت: ئەو خانەنشینانەی سنووری سلێمانی لە 100 هەزار تاوەکو یەک ملیۆن دینار لە مووچەکانیان بڕاوە، ئەمە لە کاتێکدایە خانەنشینانی پلە تایبەتەکانی پێشمەرگە لە سنووری پارێزگای هەولێر و دهۆک لە مووچەکانیان نەبڕاوە.