سەبارەت بە 100 هەزار دینارەكەی خانەنشینان ڕوونكردنەوە دەدرێت

ئاڤا نیوز

 

بەڕێوەبەری گشتیی خانەنشینی هەرێمی كوردستان سەبارەت بە ئەو 100 هەزار دینارەی ساڵی ڕابردوو دەدرا بە خانەنشینان ڕوونكردنەوە دەدات، هاوکات وردەكاریی خەرجكردنەكەی دەخاتە ڕوو.

 

وێنە گەورەکە: لە مووچەی مانگی یەكی ئەمساڵ (2025)، بڕی 100 هەزار دینار لە خانەنشینانی سەرتاسەری عێراق بە خانەنشنیانی هەرێمی كوردستانیشەوە بڕدرا،  کە پێشتر وەکو دەرماڵەی بژێوی بۆ خانەنشینانی عێراق خەرج دەکرا و ساڵی ڕابردوو خانەنشینانی هەرێمی کوردستانیشی گرتەوە.

لێدوانی فەرمی: مریەم عوسمان، بەڕێوەبەری گشتیی خانەنشینی هەرێمی كوردستان بە ئاڤای ڕاگەیاند: هەموو ئەو خانەشینانەی مووچەکەیان لە ملیۆنیک کەمترە، مینحەی 100 هەزار دیناریان بۆ بژێوی ژیان پێدەدرێت، لە 1-1-2025ـەوە بۆیان خەرج دەکرێت، ئەگەر یەک میراتگر بێت %80 لە مووچەیان دەدرێت، دوو میراتگر لە %90ی مووچەیان دەدرێت، سێ میراتگر لە %100ی مووچەیان دەدرێت، بۆ هەر میراتگرێک 100 هەزار دینارە.

 

زانیاریی زیاتر: بۆ ئەو خانەشینانەیە کە مووچەیان لە ملیۆنیک کەمترە، لە 16-2-2025، ئەنجوومەنی وەزیرانی هەرێمی كوردستان نووسراوێکی بۆ بەغدا ناردووە بۆ ئەوەی 100 هەزارەکەیان پێبدرێتەوە.