وەزیری تەندروستی ڕوونکردنەوە سەبارەت بە دامەزراندنی دەرچووانی کۆلێژە پزیشکییەکان دەدات

ئاڤا نیوز

 

وەزیری تەندروستیی هەرێمی كوردستان دەڵێت، بۆ پڕكردنەوەی بۆشایی وەزیفی پێویستیان بە دامەزراندنی كارمەندانی پزیشكی هەیە.

 

وێنە گەورەكە: 778 دەرچووی كۆلێژە پزیشكییەكان كە ساڵی پار لە حەوت زانكۆی هەرێمی كوردستان بڕوانامەی پزیشكییان بەدەستهێناوە، هێشتا دانەمەزراون و بەردەوام داوای دامەزراندن دەكەن.

لێدوانی فەرمی: دكتۆر سامان بەرزنجی، وەزیری تەندروستی هەرێمی كوردستان تایبەت بە ئاڤا ڕایگەیاند، لە كۆبوونەوەی ئەنجوومەنی وەزیرانی هەرێمی كوردستان ئەو بابەتەمان باسكردووە، نووسراویش ئاڕاستەی حكومەتی فیدڕاڵی كراوە بۆ ئەوەی بەپێی یاسای پلەبەندی پزیشكی، ژمارەیەك پلەی وەزیفی بۆ هەرێمی كوردستان تەرخان بكرێت.

 

بابەتە ستراتیژییەكە: وەزیری تەندروستی هەرێمی كوردستان دەڵێت، لە نەخۆشخانەكانی قەزا و ناحیەكان گرفتی نەبوونی پزیشك و كارمەندی تەندروستییان هەیە، بۆیە دامەزراندنی دەرچووەكانی ساڵی ڕابردوو، پێویستە.

 

خاڵە نەرێنییەكان: ئەگەر دەرچووە تازەكان دانەمەزرێن، دۆخی پزیشکان چەقبەستوو دەبێت و کەس ناتوانێت ببێت بە پسپۆڕ و پزیشکانی نیشتەجێی خولاویش پلەکانیان بەرز ناکرێتەوە.