هاوکاریی دارایی هاوپەیمانان بۆ مانگی دوو دابەش دەکرێت

ئاڤا نیوز

 

هەزاران پێشمەرگە لەڕێگەی 'هەژماری من' هاوکاریی دارایی هاوپەیمانان بۆ مانگی دوو وەردەگرن.

 

چیرۆکی سەرەکی: دوای ئەوەی هاوکاریی هێزەکانی هاوپەیمانان بۆ هێزی پێشمەرگە خرایە سەر هەژماری وەزارەتی پێشمەرگە، بەڕێوەبەرایەتیی گشتیی بودجە و بەرنامەکان(ژمێریاری سەربازی)، ڕێککارە دارایی و ژمێریارییەکانی بەکۆتا هێناوە و هاوکارییەکە دابەشدەکرێت.

 

ڕاگەیێنراوی فەرمی: بەپێی ڕاگەیێنراوی وەزارەتی پێشمەرگە، ڕۆژی پێنجشەممە 6-2-2025،  هاوکاریی دارایی هاوپەیمانان بۆ مانگى دوو بەسەر ئەفسەر و پێشمەرگەکانی سەر بە دیوانی وەزارەت و یەکەكانى پیادەی وەزارەتی پێشمەرگە دابەشدەکرێت.

 

زانیاریی زیاتر: هاوکاری دارایی هاوپەیمانان بۆ پێشمەرگە بەردەوام دەبێت، لەم مانگە سەرووی 46 هەزار پێشمەرگە و ئەفسەری سەر بە وەزارەتی پێشمەرگە لە رێگەی پڕۆژەی هەژماری من هاوکاری هاوپەیمانان وەردەگرن، ئەوانی تریش لە رێگەی سیستەمی بانکییەوە هاوکارییەکان وەردەگرن.

 

ئەوەی پێویستە بیزانیت: هاوکاریی هاوپەیمانان بڕەکەی 20 ملیۆن دۆلارە، بەڵام هەمووی دابەش ناکرێت و بەشێکی بۆ پێداویستی لۆجسیتییە. زیاتر لە 50 هەزار پێشـمەرگە لێی سوودمەند دەبن، هەر پێشمەرگەیەک بڕی 230 هەزار دینار وەردەگرێت.