یەكێتی گۆڕانکاری ناوخۆیی دەکات و مەرکەزییەت زیاتر دەکات

ئاڤا نیوز

یەكێتیی نیشتمانیی كوردستان لە ئەدای ئێستای خۆی ڕازی نییە، گۆڕانکاری ناوخۆیی دەکات و مەرکەزییەت زیاتر دەکات.

چیرۆکی سەرەکی: ئەمڕۆ مەكتەبی سیاسی و ئەنجوومەنی سەركردایەتیی یەكێتی كۆبوونەتەوە و چەند کاتژمێرێک گفتوگۆیان سەبارەت بە گۆڕانكاری لەنێو حیزبەكە كردووە، بەهۆی چڕوپڕی گفتوگۆکان كۆبوونەوەكە سبەیش بەردەوام دەبێت.

زانیاریی تایبەت: بەپێی ئەو زانیارییانەی دەست ئاڤا نیوز كەوتوون:

٠ بافڵ تاڵەبانی و زۆرینەی سەركردایەتیی حیزبەكە هاتوونەتە ئەو باوەڕەی مەركەزییەت لەنێو حیزبەكە لاواز بووە و داواکارن مەركەزییەت بۆ حیزب بگەڕێتەوە، هاوكات لە کۆبوونەوەکە بەوردی باس لە ئۆرگانەكان و پەیكەربەندیی حیزبەكە کراوە.

٠ جەخت لە جێبەجێکردنی بڕیارەکان دەکرێتەوە وەکو خۆیان بێ دواکەوتن و پابەندبوونی ئۆرگانەکان بە بڕیارەکانی سەرۆکی یەکێتی و مەکتەبی سیاسی و ئەنجوومەنی سەرکردایەتی.

٠ لە ڕۆژانی داهاتوودا چەند گۆڕانكارییەكی بەرچاو لەنێو یەكێتی دەكرێن لەڕووی كاركردنی حیزبایەتییەوە.