فەرمانبەرانی گرێبەست بە دوو مەرج خانەنشین دەبن

ئاڤا نیوز

ژمارەیەکی زۆری فەرمانبەرانی گرێبەستی سەر بە وەزارەتی شارەوانی پەیوەندی بە ئاڤا میدیاوە دەکەن، داوا دەکەن لەبارەی خانەنشینبوونیان دەنگیان بە لایەنی پەیوەندیدار بگەیێنێت.

وێنە گەورەکە: هەفتەی ڕابردوو ژمارەیەکی زۆری فەرمانبەرانی گرێبەستی سەر بە وەزارەتی شارەوانی پەیوەندییان بە ئاڤا میدیاوە کرد و داوایان کرد دەنگیان بە لایەنی پەیوەندیدار بگەیێنین سەبارەت بە خانەنشینیان، هاوكات داوای بەدواداچوون و بەرچاوڕوونیشیان کرد سەبارەت بە چۆنیەتی خانەنشینبوونی فەرمانبەرانی گرێبەست.

لێدوانی فەرمی: مریەم عوسمان، بەڕێوەبەری گشتی لە بەڕێوەبەرایەتیی گشتیی خانەنشینی هەرێمی كوردستان بە ئاڤا میدیای ڕاگەیاند،

- فەرمانبەرانی گرێبەست بە دوو مەرج خانەنشین دەبن بە مەرجێك خانەنشین دەبن كە 15 ساڵ خزمەتیان كەمتر نەبێت و تەمەنیشیان 50 ساڵ بەرەو سەرەوە بێت.

- سەبارەت بە مووچەكەیان، ئەو سەرچاوەیە وتی، خانەنشینیی فەرمانبەرانی گرێبەست 75%ی مووچەكەی دەبێت ئەویش بە مەرجێك، دەبێت ئەو فەرمانبەرە تەوقیفاتی تەقاعودی هەموو ساڵەكان بدات، واتە هەموو ئەو پارەیەی بدات كە دەبوو مانگانە بیدات بۆ خانەنشینی، مەبەست لەو پارەیەیە كە لە مووچەی فەرمانبەرانی هەمیشەیی مانگانە بۆ خانەنشینی دەگێڕدرێتەوە.