شاندی باڵای پارتی و یەکێتی لە هەولێر کۆدەبنەوە

ئاڤا نیوز

 

دوای کۆبوونەوەی لووتکەی نێوان مەسرور بارزانی و بافڵ تاڵەبانی، شاندی باڵای پارتی و یەكێتی لە هەولێر هەڵوەستە لەسەر دوایین هەنگاوەکانی پێکهێنانی حکومەتی نوێ دەکەن.

 

زانیاریی تایبەت: ئاڤا زانیویەتی ئێوارەی ڕۆژی سێشەممە 18-03-2025 لە شاری هەولێر جارێکی دیکە شاندی باڵای پارتی و یەكێتی کۆدەبنەوە، لەبارەی دوایین هەنگاوەکانی پێکهێنانی کابینەی دەیەمی حکومەتی هەرێمی کوردستان گفتوگۆ دەکەن.

 

زانیاریی زیاتر: تاوەکو ئێستا لێکتێگەیشتن لەسەر 90% خاڵەکان کراوە، لەم کۆبوونەوانە کار لەسەر تێگەیشتنی زیاتر لەسەر خاڵە ناکۆکەکان دەکرێت، بەئامانجی ئەوەی لە زووترین کاتدا پێکهێنانی حکومەتی نوێ ڕابگەیێنن، کۆبوونەوەی ئەمجارەش لەبارەگەی مەکتەب سیاسی یەکێتی دەبێت. 

 

باکگراوند: ڕۆژی یەکشەممەی ڕابردوو مەسرور بارزانی و بافڵ تاڵەبانی، سەرۆکی یەكێتیی نیشتمانیی کوردستان لە پیرمام کۆبوونەوە، هەردوولا جەختیان لەسەر گرنگیی پێکهێنانی حکومەتێکی بەهێز و یەکگرتوو و خزمەتگوزار لە زووترین کاتدا کردەوە.