لە دهۆک منداڵێکی یەک ساڵ گڵۆپێک قووت دەدات و نەشتەرگەرییەکی دەگمەنی بۆ دەکرێت

ئاڤا نیوز

 

منداڵێک لە ئاکرێ دوای ئەوەی گڵۆپێکی بچووک قووت دەدات ڕاستەوخۆ ڕەوانەی نەخۆشخانە دەکرێت و نەشتەرگەرییەکی دەگمەنی بۆ دەکرێت، بەمەش ژیانی لە مردن ڕزگار دەکرێت.

 

چیرۆکی سەرەکی: شەوی 28ـی 3ـی 2024 منداڵێکی بچووک کە تەمەنی 9 مانگ دەبێت، لە کاتی یاریکردن گڵۆپێکی بچووک دەچێتە قوڕگییەوە، کاتژمێر 10ـی شەو ڕەوانەی نەخۆشخانەی فریاکەوتنی ئاکرێ دەکرێت، لەوێ پێی دەگوترێت دەبێت ڕاستەوخۆ نەشتەرگەری بۆ بکرێت چونکە گڵۆپەکە لە قوڕگیدا ماوەتەوە، دواتر پەیوەندی بە نەخۆشخانەی هیڤی دەکرێت و منداڵەکە بەرەو ئەوێ دەنێردرێت، ستافی نەخۆشخانەکە پێش گەیشتنی منداڵەکە، ژووری نەشتەرگەری ئامادە دەکەن و لەگەڵ گەیشتنی منداڵەکە بە نەخۆشخانە، نەشتەرگەری بۆ دەکەن و ژیانی ڕزگار دەکەن.

 

لێدوانی فەرمی: د.نزار بەکر، بەڕێوبەری نەخۆشخانەی هیڤی بە ئاڤا میدیای ڕاگەیاند: کاتژمێر نزیکی یەکی شەو بوو نەشتەرگەرییەکە سڕکردنی گشتیی ئەنجامدرا و لەڕێگەی نازوورەوە گڵۆپەکەمان لە قوڕگی منداڵەکە دەرهێنا.

 

زانیاریی زیاتر: "مەترسیدارترین سەرکێشی لە تەمەنی منداڵاندا لەنێوان 9 مانگی بۆ 3 ساڵیدایە، چونکە لەو قۆناغی تەمەنەدا منداڵ بگات بە هەر شتێک قووتی دەدات، بۆیە دایکان ئاگادار دەکەمەوە، لەو تەمەنە منداڵەکانیان بە تەنیا جێ نەهێڵن و ئاگاداریان بن". دکتۆر نزار وادەڵێت.

 

پێدراوە ڕاستییەکان: لەماوی دوو ساڵی ڕابردوودا زیاتر لە 60 حاڵەتی لەم جۆرە لە نەخۆشخانەی هیڤی تۆمار کراوە کە پێویستییان بە نازوور هەبووە.