157 خێزانی چەکدارانی داعش دەگەڕێنرێنەوە عێراق

ئاڤا نیوز

لە کەمپی هۆل-ی ڕۆژئاوای کوردستانەوە 157 خێزانی چەکدارانی داعش گەڕێندرانەوە کەمپی جەدعە لە نەینەوا.

وێنە گەورەکە: نزیکەی 5 هەزار خێزانی چەکدارانی داعشی عێراقی لە کەمپی هۆلی پارێزگای حەسەکەی ڕۆژئاوای کوردستانن.

لێدوانی فەرمی: عەلی عەباس جیهانگیر، گوتەبێژی وەزارەتی کۆچ و کۆچبەرانی عێراق ڕایگەیاند، ئەندامانی ئەو 157 خێزانە 625 کەسن، دۆسیەی زۆرینەیان وردبینی ئەمنی بۆ کراوە، دوای ئامادەبوونیان لەڕووی دەروونی و تەندروستییەوە دەبێت بگەڕێنرێنەوە نێو کەسوکاریان لە شوێنەکانی خۆیان.

زانیاریی زیاتر: لە ساڵانی ڕابردوودا زیاتر لە هەزار و  500 خێزان لە کەمپی هۆل گەڕێنراونەتەوە کەمپی جەدعە لە نەینەوا و وردبینی ئەمنییان بۆ کراوە.