پەرلەمانی عێراق چەند بڕیارێک لە بەرژەوەندی مامۆستایان دەدات

ئاڤا نیوز

سەرۆکی پەرلەمانی عێراق ئاشکرایکرد، پەرلەمان پرۆژە یاسایەکی لە بەرژەوەندی مامۆستایان و کارمەندانی وەزارەتی پەروەردە پەسەند کرد.

چیرۆکی سەرەکی: لەدانیشتنی ڕۆژی دووشەممە 14-4-2024 پەرلەمانی عێراق جگە لە دەنگدان لەسەر بەپارێزگابوونی هەڵەبجە، بڕۆژە یاسایەکی لە بەرژەوەندی مامۆستایان و کارمەندانی وەزارەتی پەروەردە پەسەند کرد.

لێدوانی فەرمی: مەحموود مەشهەدانی، سەرۆکی پەرلەمانی عێراق ڕایگەیاند: بڕیاردرا بە زیادکردنی دەرماڵەی پیشەیی مامۆستایان لە 150 هەزار دینارەوە بۆ 300 هەزار دینار لە مانگێکدا.

- خزمەتگوزاری لە ناوچە گوندنشینەکان بۆ مەبەستی خانەنشینی دوو هێندە زیاد دەکرێت.

- مامۆستایانی وانەبێژ و گرێبەستی ساڵی 2020 دەکرێنە هەمیشەیی، هاوکات سەرجەم شایستە داراییەکانی مامۆستایانی گرێبەست بۆ خوێندنی ساڵی 2024 خەرج دەکرێت.

- سەرجەم کارمەندانی پەروەردەیی مافی وەرگرتنی پارچە زەوی نیشتەجێبوون دەبن، هاوشێوەی ئەو فەرمانبەرانەی پێدانی یەکەی نیشتەجێبوون دەیانگرێتەوە.

ئەوەی پێویستە بیزانیت: زیاتر لە 10 ڕۆژە مامۆستایانی عێراق بایکۆتی هۆڵەکانی خوێندنیان کردووە و داوای زیادکردنی مووچە و دەرماڵەی پیشەیی و خێزان و منداڵ دەکرد.