سەرۆکوەزیران مەسرور بارزانی: کێشەی سەرەکیی هەناردەکردنەوەی نەوت سیاسییە

ئاڤا نیوز

 

سەرۆکوەزیران مەسرور بارزانی لە دیداری سلێمانی ڕایگەیاند، کێشەی سەرەکیی هەناردەکردنەوەی نەوتی هەرێمی کوردستان بۆ بازاڕەکانی جیهان سیاسییە.

 

وێنە گەورەکە: ئەمڕۆ چوارشەممە 15ـی 4ـی 2025، لەمیانی بەشداریکردن لە پانێڵێکدا لە نۆیەمین دیداری سلێمانی لە زانکۆی ئەمریکی، سەرۆکوەزیران مەسرور بارزانی قسەی لەسەر چەند پرسێک کرد، یەکێک لەوانە دەستپێکردنەوەی هەناردەکردنی نەوتی هەرێمی کوردستان و ئاستەنگەکانی بەردەمی بوون.

 

زانیاریی زیاتر: سەرۆکوەزیران مەسرور بارزانی ڕاگەیاند، تا ئێستا هیچ لایەنێک قەرەبووی زیانەکانی ڕاگرتنی هەناردەکردنی نەوتی کوردستانی نەکردووەتەوە.

 

ئەوەی پێویستە بیزانیت: لەبارەی گرفتی هەناردەکردنەوەی نەوتی هەرێمی کوردستان، سەرۆکوەزیران مەسرور بارزانی گوتی، "کێشەی سەرەکیی هەناردەکردنەوەی نەوتی هەرێمی کوردستان بۆ بازاڕەکانی جیهان سیاسییە".

 

لەلایەکی دیکە: هەرچی پەیوەستە بە کۆمپانیاکانی نەوت کە کاری دەرهێنان و نەوتی هەرێمی کوردستان دەکەن، سەرۆکوەزیران ڕاگەیاند، کۆمپانیاکانی نەوت داوای دەستەبەرکردنی بەرهەمهێنانی نەوت دەکەن.

 

باکگراوند: ئەمڕۆ نۆیەمین دیداری سلێمانی بە بەشداریی زیاتر لە 700 بەرپرسی ناوخۆیی و جیهانی دەستیپێکرد. ماوەی دوو ڕۆژ بەردەوام دەبێت و چەندین پانێڵ ئەنجام دەدرێن.