سەرکردایەتیی یەکێتی بۆ پەسەندکردنی گۆڕانکارییە ناوخۆییەکانی کۆدەبێتەوە

ئاڤا نیوز

 

دوای تەواوبوونی دووەمین دیداری یەکێتیی نیشتمانی کوردستان، بڕیارە ئەنجوومەنی سەرکردایەتیی حزبەکە کۆببێتەوە.

زانیاریی تایبەت: بەگوێرەی ئەو زانیاریانەی دەست ئاڤا کەوتووە، پاش نیوەڕۆی ئەمڕۆ یەکشەممە، ئەنجوومەنی سەرکردایەتیی یەکێتی لە سلێمانی کۆدەبێتەوە.

 

زانیاریی بەدەستهاتوو: ئامانج لە کۆبوونەوەکە گفتوگۆکردن دەبێت، لەسەر ئەو پێشنیاز و پڕۆژانەی بۆ گۆڕانکارییە ناوخۆییەکان لە دووەمین دیداری یەکێتیی کراون، دوای پەسەندکردنیان دەنگیان لەسەر دەدرێت.

 

زانیاریی زیاتر: هەر بەگوێرەی زانیارییەکانی ئاڤا، دیاریکردنی ڕەفعەت عەبدوڵڵا، وەک جێگری  سەرۆکی یەکێتی پێویستی بە پەسەندکردن و دەنگدانی ئەنجوومەنی سەرکردایەتی نییە، چونکە سەرۆکی یەکێتی خۆی دەسەڵاتی دانان و دیاریکردنی دەسەڵاتەکانی جێگرەکەی هەیە.

 

باکگراوند: ڕۆژی 2025-04-23، بە ئامادەبوونی بافڵ تاڵەبانی، سەرۆکی یەکێتی و قوباد تاڵەبانی، سه‌رپه‌رشتیاری دووەمین دیدارى یەکێتى، دووەمین دیداری گشتیی یەکێتی، بە ئامادەبوونى زیاتر لە چوار هەزار ئەندامی حیزبەکە لە هۆڵی پێشمەرگە لە سلێمانی بەڕێوەچوو.