دانیشتووانی چەند گەڕەکێکی هەولێر کەمترین بڕە پارەی کارەبایان بۆ گەڕاوەتەوە

ئاڤا نیوز

 

پسووڵەی نیوەی دانیشتوانی چوار گەڕەکی هەولێر بەبێ نرخی پاڵپشتیکراوی حکومەت کەمتر لە لە 51 هەزار دیناریان بۆ گەڕاوەتەوە.

 

وێنە گەورەکە: پڕۆژەی ڕووناکی بۆ دابینکردنی کارەبای 24 کاتژمێری بەردەوامە لە فراوانکردنی تۆڕەکەی و ئێستا 600 هەزار هاوبەشی هەیە، بڕیاریشە تا کۆتایی ساڵی 2026 کارەبای 24 کاتژمێری بۆ تەواوی هاووڵاتیانی هەرێمی کوردستان دابین بکرێت.

 

بڵاوکراوەی فەرمی: پرۆژەی ڕووناکی بڵاویکردەوە: پسووڵەی نیوەی هاووڵاتیانی گەڕەکەکانی سەربەستی، بەختیاری، نازناز، شادی لە شاری هەولێر بۆ مانگی چوار، بەبێ نرخی پاڵپشتیکراو کەمترە لە 51 هەزار دیناریان بۆ گەڕاوەتەوە.

 

کاریگەرە ئەرێنییەکان: بە گەیشتنی پرۆژەی ڕووناکی، 729 مۆلیدەی گەڕەک لە سەرانسەری هەرێمی کوردستان کوژاونەتەوە، لە ڕووی پاکبوونەوەی ژینگە و کەمکردنەوەی دووانە ئۆکسیدی کاربۆنیشەوە هاوتایە بە کەمکردنەوەی 125 هەزار ئۆتۆمبێل لەسەر شەقامەکان.

 

بۆچی گرنگە: بە تەواوکردنی پرۆژەی ڕووناکی، بۆ یەکەمجار کوردستان دەبیتە خاوەنی کارەبای 24 کاتژمێری، جگە لەمەش کاریگەریی ڕاستەوخۆ لەسەر پاکبوونەوەی ژینگەی تەواوی ناوچەکان دروست دەکات.

 

باکگراوند: ڕۆژی 17-10-2024، سەرۆکوەزیران مەسرور بارزانی لە گەڕەکی شادیی هەولێر پڕۆژەی ڕووناکی ڕاگەیاند.