ئەنجوومەنی وەزیرانی کوردستان لەبارەی نرخی کارەبا کۆدەبێتەوە

ئاڤا نیوز

 

ئەنجوومەنی وەزیرانی هەرێمی کوردستان، کۆبوونەوەی ئاسایی هەفتانەی خۆی گڕێ دەدات و پرسی دیاریکردنی نرخی کارەبای ڕووناکی تەوەرێکی سەرەکی کۆبوونەوەکە دەبێت.

 

چیرۆکی سەرەکی: ئەمڕۆ چوار شەممە ڕێککەوتی 14-5-2025، ئەنجوومەنی وەزیرانی هەرێمی کوردستان، بە سەرپەرشتی سەرۆکوەزیران مەسرور بارزانی، کۆدەبێتەوە، لە کۆبوونەوەکەدا گفتوگۆ لەبارەی دوو تەوەر دەکرێت و بڕیاری پێویستیان لەبارەوە دەدرێت.

 

زانیاریی زیاتر: بەپێی ڕاگەیێنراوی فەرمی فەرمانگەی میدیا و زانیاری، ئەنجوومەنی وەزیران لە کۆبوونەوەی ئەمڕۆیدا لەسەر دوو تەوەر کۆدەبێتەوە، لە تەوەری یەکەمدا گفتوگۆ دەکەن لەبارەی ڕەشنووسی بڕیاری ئەنجوومەنی وەزیران لەبارەی پڕۆژەی ڕووناکی، لە تەوەری دووەمیشدا ڕاسپاردەی وەزارەتەکان و لایەنەکانی نەبەستراو بە وەزارەت لەلایەن ئەنجوومەنی وەزیران بۆ هەماهەنگی و هاریکاریی دەستەی هاوبەشی وردبینیی هەردوو دیوانی چاودێریی دارایی فیدراڵ و هەرێمی کوردستان گفتوگۆی لەبارەوە دەکرێت.