زێلێنسکی و ئەردۆغان هەنگاوەکانی دەستپێکردنی دانوستانەکانی ئاشتی تاوتوێی دەکەن

ئاڤا نیوز

 

ئەمرۆ شاندی ڕووسیا و ئۆکراینا لەبارەی دانوستانی ئاشتی لەتورکیا کۆدەبنەوە، تاوەکو ئێستا هەنگاوەکانی ئەم دانوستانانە دیارنین.

 

چی ڕوودەدات: بڕیارە ئەمڕۆ یەکەم دانوستانی ڕاستەوخۆی نێوان ڕووسیا و ئۆکراینا بۆ کۆتاییهێنان بەشەڕی سێ ساڵەی نێوان هەردوولا بەڕێوەبچێت، سەرچاوەکان ئاشکرایان کردووە کە شاندی ڕووسیا گەیشتوون و چاوەڕێی دەستپێکردنی کۆبوونەوەکان دەکەن. 

 

زانیاریی بەدەستهاتوو: بڕیارە ڤۆلۆدێمیر زێلێنسکی، سەرۆکی ئۆکراینا لەگەڵ ڕەجەب تەیب ئەردۆغان، سەرۆککۆماری تورکیا لە ئەنقەرە کۆببێتەوە، دواتر بڕیار لەسەر هەنگاوەکانی داهاتوو دانوستانەکانی لەگەڵ ڕووسیا دەدات. 

 

لەلایەکی دیکەوە: مارکۆ ڕۆبیۆ، وەزیری دەرەوەی ئەمریکا لە تورکیایە و دەڵێت، ئەمە کارێکی قورسە هیوادارین بەم زووانە پێشکەوتن دەرئەنجامی ئەرێنی لێرە لە تورکیا بەدەستبهێنرێت.