سەرۆکی لوبنان بۆ سوودانی: سوپاس بۆ 20 ملیۆن دۆلارەکەت

ئاڤا نیوز

 
سەرۆکی لوبنان سوپاسی محەممەد شیاع سوودانی، سەرۆکوەزیرانی عێراق دەکات لە بەرامبەر بەخشینی 20 ملیۆن دۆلار بە وڵاتەکەی.

 

چیرۆکی سەرەکی: سەرۆکوەزیرانی عێراق لە 34 ـەمین کۆبوونەوەی لووتکەی وڵاتانی عەرەبی لە بەغدا، 18 دەستپێشخەریی ڕایگەیاند، لەنێویاندا بەخشینی 20 ملیۆن دۆلار بۆ ئاوەدانکردنەوەی غەززە و 20 ملیۆن دۆلاری دیکەش بۆ لوبنان.

 

ڕاگەیێنراوی فەرمی: بەگوێرەی ڕاگەیێنراوی سەرۆکایەتیی لوبنان، جۆزێف عۆن، سەرۆکی لوبنان لە پەیوەندییەکی تەلەفۆنیدا سوپاسی محەممەد شیاع سوودانی، سەرۆکوەزیرانی عێراقی کرد لە بەرامبەر ئەو دەستپێشخەرییەی لەمیانەی لووتکەی بەغدا کردی بە ڕاگەیاندنی پێشکەشکردنی بڕی 20 ملیۆن دۆلار بە لوبنان.

 

هەر بەگوێرەی ڕاگەیێنراوەکە، جۆزێف عۆن ڕاگەیاندنووە، ئەم دەستپێشخەرییەش دەچێتە سەر دەستپێشخەرییە هاوشێوەکانی دیکەی عێراق کە جەخت لە قووڵی پەیوەندییەکانی لوبنان - عێراق دەکات و ئەو پەیوەندییە برایەتی و هاوپشتییە دەردەخات کە گەلی لوبنان و عێراق پێکەوە کۆدەکاتەوە.