کەسوکاری شەهیدان و ئەنفالکراوان لە سنووری گەرمیان زەوییەکانیان ڕادەست دەکرێت

ئاڤا نیوز

 

دوای چوار ساڵ، بەشێکی دیکەی کەسوکاری شەهیدان و ئەنفالکراوان و زیندانیانی سیاسیی، مامەڵەی تاپۆکردنی زەوییەکانیان دەستپێدەکات و زەوییەکانیان و ڕادەستیان دەکرێتەوە.

 

چیرۆکی سەرەکی: شارەوانىیەکانی سنووری گەرمیان، بەپێى ڕیزبەندى، هەفتانە بە لیستێک ناوى کەسوکارى شەهیدان و ئەنفانکراوان و زیندانیانى سیاسى ئاگادار دەکاتەوە، ئەوەش بەمەبەستی وردبینکردن و دیاریکردنی شوێنی زەوییەکانیان و دواتر تاپۆکردنیان.

 

لێدوانی فەرمی: بارزان کەریم، بەڕێوەبەری گشتیی شارەوانییەکانی گەرمیان بە ئاڤای گوت، "لە سنووری کفری و ڕزگاری پرۆسەکە تەواوبووە، ئەوەی ماوە سنووری قەزای کەلارە، ئەویش هەفتانە خاوەنی زەوییەکان بانگ دەکرێت بۆ ئەوەی دەست بە مامەڵەی تاپۆکانیان بکەن."

 

ئەمەش بزانە: زیاتر لە دوو هەزار و 500 کەس، لە کەسوکاری شەهیدان و ئەنفالکراوانی سنووری ئیدارەی سەربەخۆی گەرمیان، بە چەند قۆناغێک زەوییان بۆ دەرچووە و کارتیان پێدراوە، بەڵام بەهۆی مامەڵەی گۆڕینی ڕەگەزی زەوییەکان و پرۆسەی قەرەبووکردنەوە و پرۆسەی ڕادەستکردنەوە دواکەوتووە.