بوومەلەرزەیەک لە یۆنان دەدات و هۆشداری لە ڕوودانی زریان دەدرێت

ئاڤا نیوز

 

بەرەبەیانیی ئەمڕۆ بوومەلەرزەیەکی بەهێز لە دوورگەی کریتی یۆنان ڕوویدا و هۆشداری لە ڕوودانی زریانێکی دەریایی مەترسیدار دەدرێت.

 

وێنە گەورەکە: ڕوودانی بوومەلەرزە لە یۆنان بووە بە مەترسییەکی گەورە بۆ دانیشتووان و گەشتیارانی دوورگەکانی ئەو وڵاتە، لە ماوەی ئەم هەفتەیەدا بۆ دووەمین جارە بوومەلەرزەی بەهێز ڕوودەدات، بوومەلەرزە یەکەمی ئەم هەفتەیە بە 5.9 پلەی ڕێختەر لە کەناراوەکانی دوورگەی کریت ڕوویدا کە گەورەترین دوورگەی یۆنانە و زۆرترین ژمارەی دانیشتووانی دوورگەکانی هەیە.

 

بڵاوکراوەی فەرمی: دەسەڵاتدارانی یۆنان لە ڕێگەی میدیا فەرمییەکانەوە زانیارییان سەبارەت بە بوومەلەرزەکە بڵاوکردوە و ڕایانگەیاند، بەرەبەیانیی ئەمڕۆ لە کاتژمێر 6.19 بوومەلەرزەیەک لە شاری هێراکلۆنی کریت بە  قوڵایی 68 کیلۆمەتر و بە 6.1 پلەی ڕێختەر ڕوویداوە و خۆشبەختانە هیچ زیانێکی گیانی و مادی نەبووە، دەسەڵاتدارانی یۆنان داوا لە دانیشتووانی دوورگەی کریت دەکەن بە زووترین کات کەناراوەکانی دوورگەکە چۆڵ بکەن لە ترسی ڕوودانی زریانی دەریایی گەورە و دوورکەوتنەوە لە کارەساتی سرووشتی.

 

زانیاریی زیاتر: هەریەک لە تورکیا و میسر و ئیسرائیل ئەوەیان ڕاگەیاند، بەرەبەیانیی ئەمڕۆ لە چەند شوێنێکی جیاوازی وڵاتەکانیان هەستیان بە بوومەلەرزەکە کردووە.