پێشمەرگە لەسەر مامەڵەكردن لەگەڵ بریندارانی مەیدانی جەنگ ڕادەهێندرێن

ئاڤا نیوز

لە خولێكی پڕاكتیكیدا، ژمارەیەك پێشمەرگە لەبارەی تەكنیك و شێوازەكانی مامەڵەكردن لەگەڵ برینداران لە مەیدانی جەنگدا، ڕاهێنران.

چیرۆكی سەرەكی: بە بەشداری ژمارەیەك پێشمەرگەی (فیرقەی چواری پیادە، فەرماندەیی هێزەکانی پشتیوانیی یەک، لیواکانی یازدە، دوازدە، حەڤدە و نۆزدە)ـی پیادە، لە ناوەندیی مەشقی تەندروستیی سەربازیی سلێمانیی سەر بە بەڕێوەبەرایەتیی کاروباری پزیشکیی گشتیی وەزارەتی پێشمەرگە، خولی ژمارە چواری مەشقی تەکنیکیی مامەڵەکردن لەگەڵ بریندارانی مەیدانی جەنگ، دوای بەردەوامبوونی بۆ ماوەی سێ هەفتە، بەكۆتاهات.

ڕاگەیێنراوی فەرمی: بەپێی ڕاگەیێنراوی وەزارەتی پێشمەرگە، مەبەست لە كردنەوەی خولەكە بۆ پەرەپێدانی شارەزایی هێزی پێشمەرگە بوو بە بواری تەندروستیی یەکە سەربازییەکان كە تێیدا بەشێوەی تیۆری و پڕاكتیكی، مەشق و ڕاهێنان لەبارەی تەكنیك و شێوازەكانی مامەڵەكردن لەگەڵ برینداران لەمەیدانی جەنگدا دەوترانەوە.