ترەمپ: زێلێنسکی هەر قسەیەک دەکات کێشە دروست دەکات

ئاڤا نیوز

دۆناڵد ترەمپ، سەرۆکی ئەمریکا ڕایگەیاند، ئەو لێدوانانەی ڤۆلۆدیمێر زێلێنسکی دەیدات کێشە دروست دەکات و خزمەت بە ئۆکراینا ناکەن.

چیرۆکی سەرەکی: دوای ئەوەی دوێنێ ڕووسیا گەورەترین هێرشی ئاسمانی لە ماوەی دەستپێکردنی شەری ئۆکراینا کردە سەر شارەکانی ئۆکراینا، کاردانەوەی سەرۆکی ئەمریکای بەدوای خۆیدا هێنا و دوای ئەوەی هۆشدارییەکی توندی بە پووتین دا بە زێلینسکیش دەڵێت، هەر قسەیەک دەکەیت، کێشە بەدوای خۆیدا دەهێنێت.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند: هەر قسەیەکی ڤۆلۆدیمێر زێلینسکی دەیکات، کێشە بۆ وڵاتەکەی دروست دەکات، قسەکانی لە بەرژەوەندی وڵاتەکەیدا نییە، پێم باشە بوەستێت.

زانیاریی زیاتر: ترەمپ گوتیشی،: ئەمە شەڕی زێلێنسکی و پووتین و بایدنە، من تەنیا یارمەتیان دەدەم بۆ کوژاندنەوەی ئەو ئاگرە گەورە، هاوکات دووپاتیکردەوە ئەگەر سەرۆک بوایە هەرگیز شەری ئۆکراینا دەستی پێنەدەکرد.